Ragnheiður Sara og Björgvin Karl upp í þriðja sætið

Katrín Tanja Davíðsdóttir náði ekki að fylgja eftir góðri byrjun í fimmtu grein Crossfit-leikanna í kvöld og mátti að lokum sætta sig við áttunda sætið í snörun (1RM Snatch).

Hún var í forystu fyrir lokaumferðina eftir að hafa lyft 197 pundum. Hún reyndi tvívegis við 200 pund í lokaumferðinni en tókst ekki að klára.

Andrea Pichelli bar sigur úr býtum í greininni með því að lyfta 207 pundum.

.@APichelli won the 2016 CrossFit Liftoff and tonight she picks up US$3000 with this lift to win the 1RM Snatch. pic.twitter.com/ha9xeXRVyJ

— The CrossFit Games (@CrossFitGames) August 4, 2017

Annie Mist Þórisdóttir skaust hins í fjórða sætið í greininni með því að lyfta 200 pundum en Annie Mist Þórisdóttir varð sjötta með 198 pund.

Þuríður Erla Helgadóttir varð átjánda í greininni með snörun upp á 176 pund.

Ragnheiður Sara er nú efst Íslendinganna í kvennaflokki en hún er í þriðjaa sæti með 352 stig. Tia-Clair Toomey er efst með 412 stig og Tennil Reed-Beuerlein önnur með 380 stig.

This is how you snatch 200 lb. @SaraSigmundsdot@CompexCoachpic.twitter.com/bb0DskE0gj

— The CrossFit Games (@CrossFitGames) August 4, 2017

Annie Mist er svo í fimmta sæti með 332 stig og Katrín Tanja er í því sjötta með 320. Katrín Tanja hefur fagnað sigri á Crossfit-leikunum síðustu tvö árin en Annie Mist hefur einnig tvívegis fagnað sigri í þessari sömu keppni. Þuríður Erla er í sextánda sæti.

Björgvin Karl Guðmundsson er í þriðja sæti í heildarkeppni karla með 346 stig eftir að hafa hafnað í níunda sæti í snöruninni með 286 punda lyftu.

Mathew Fraser, ríkjandi meistari í karlaflokki, er efstur með 416 stig og Brent Fikowski annar með 362 stig.

Þriðja grein dagsins og sú sjötta alls, Triple-G Chipper, hefst rétt fyrir klukkan 01.00 í nótt og má fylgjast með beinni útsendingu í fréttinni hér fyrir neðan.