Fyrrum NBA-stjarna skotin um helgina

Brandon Roy, fyrrum úrvalsliðsleikmaður úr NBA-deildinni, var skotinn í fótinn fyrir utan hús ömmu sinnar um helgina. Bandarískir fjölmiðlar greina frá því.

Samkvæmt frétt USA Today virtist einhver hafa byrjað að skjóta af byssu á svæðinu og að Roy hafi stigið fram til að koma börnum sem voru í grenndinni til varnar.

Hann var fluttur á sjúkrahús til aðhlynningar en er nú útskrifaður þaðan og kominn til Washington-fylkis þar sem hann er nú að jafna sig.

Roy spilaði í fimm ár með Portland Trail Blazers og var valinn nýliði ársins vorið 2007. Meiðsli settu hins vegar stórt strik í reikninginn fyrir hann og Roy lagði skóna á hilluna árið 2013.

Hann starfar nú sem þjálfari skólaliðs í Seattle-borg.

Our thoughts are with Brandon Roy and his family at this time.

Team Statement » https://t.co/PunvfIKFQEpic.twitter.com/8wbwjzPDsg

— Trail Blazers (@trailblazers) May 3, 2017