Thomas bætti félagsmet Celtics og kláraði Miami Heat

Isaiah Thomas, bakvörður Boston Celtics, tók yfir leikinn í fjórða leikhluta og kláraði Miami Heat í einvígi liðanna í kvöld en Thomas var alls með 52 stig í 117-114 sigri Boston.

Bætti hann félagsmet þessa sögufræga félags sem Larry Bird átti þegar hann setti niður 29 stig í lokaleikhlutanum en gamla metið var 24 stig.

Hitti hann úr sex þriggja stiga skotum í leikhlutanum en aðeins þrír aðrir leikmenn í liði Boston komust á blað í lokaleikhlutanum.

Þrátt fyrir það náðu gestirnir í Miami að halda í við Boston en náðu ekki að stela sigrinum.

James Harden heldur áfram að eiga stórkostlegt tímabil með Houston Rockets en hann var með þrefalda tvennu í 140-116 stórsigri gegn þunnskipuðu liði Los Angeles Clippers í nótt.

Harden heldur áfram að dæla út stoðsendingum og að safna þreföldum tvennum en hann lauk leiknum með 30 stig, 13 fráköst og 10 stoðsendingar.

Clippers hefur nú tapað fimm leikjum í röð og virðist liðið ekki eiga nein svör án Blake Griffin og Chris Paul sem eru frá vegna meiðsla.

Þá var Kevin Durant með þrefalda tvennu í sigri Golden State Warriors á Dallas Mavericks.

Var þetta í fyrsta skiptið sem hann nær þessum áfanga í rúmlega ár og fyrsta skiptið í treyju Golden State.

Úrslit gærkvöldsins:

Indiana Pacers 111-101 Chicago Bulls

Washington Wizards 118-95 Brooklyn Nets

Boston Celtics 117-114 Miami Heat

New Orleans Pelicans 104-92 New York Knicks

Houston Rockets 140-116 Los Angeles Clippers

Minnesota Timberwolves 116-99 Milwaukee Bucks

Atlanta Hawks 105-98 Detroit Pistons

San Antonio Spurs 110-94 Portland Trailblazers

Denver Nuggets 122-124 Philadelphia 76ers

Golden State Warriors 108-99 Dallas Mavericks

Bestu tilþrif kvöldsins: Stórleikur Isaiah Thomas: Þreföld tvenna Harden: