Töluverður fjöldi viðskiptavina Icelandair fékk tölvupóst um farnar flugferðir

Mannleg mistök fyrr í dag urðu til þess að töluverður fjöldi viðskiptavina flugfélagsins Icelandair fékk tölvupóst með upplýsingum um ferð sem þegar hafði verið farin.

Síðdegis í dag fengu þessir viðskiptavinir svo annan tölvupóst þar sem útskýrt var að um mannleg mistök hefði verið að ræða en að engar upplýsingar hefðu farið til óviðkomandi aðila.

Þá bað flugfélagið velvirðingar á þeim óþægindum sem þetta kann að hafa valdið en í samtali við Vísi segir Guðjón Arngrímsson upplýsingafulltrúi Icelandair að töluverður haft samband við flugfélagið, meðal annars á samfélagsmiðlum, til að grennslast fyrir um póstana.

Útkall og knús á forritara Icelandair, þreyttan eftir kosningasjónvarpið, sem sendi óvart ferðapóst á farþega @Icelandair fyrir gömul flug. pic.twitter.com/LDdMrECRtt

— Petur Jonsson (@senordonpedro) November 9, 2016

Takk Icelandair. Ég er svei mér að hugsa um að þiggja þessa flugferð aftur í tímann sem þið voruð að senda mér. Þegar allt var ennþá gott. pic.twitter.com/jvCmkm3mvV

— Bragi Valdimar (@BragiValdimar) November 9, 2016