Durant og Curry sáu um Phoenix

Stjörnurnar í Golden State voru í stuði í gær er Golden State vann fínan sigur á Phoenix.

Kevin Durant skoraði 37 stig fyrir Golden State og Stephen Curry bætti við 28. Klay Thompson kom svo næstur með 14 stig.

Eftir tap í fyrsta leik tímabilsins er Golden State nú búið að vinna tvo leiki í röð.

San Antonio heldur áfram að byrja vel án Tim Duncan en liðið vann í nótt sinn fjórða leik í röð í vetur og er ósigrað.

Kawhi Leonard skoraði 27 stig fyrir Spurs í nótt og Pau Gasol var með 20. Hassan Whiteside skoraði 27 stig fyrir Miami.

Úrslit:

LA Clippers-Utah  88-75

Phoenix-Golden State  100-106

Miami-San Antonio  99-106

Detroit-Milwaukee  98-83

Oklahoma-LA Lakers  113-96

Memphis-Washington  112-103

Houston-Dallas  93-92

Staðan í NBA-deildinni.