Sjaldséður sigur hjá Lakers

Eftir að hafa tapað fjórum leikjum í röð náði LA Lakers að vinna leik í nótt.

Sigurinn þess utan óvæntur gegn Memphis. Kobe Bryant skoraði 20 stig í leiknum en sat á bekknum lokamínúturnar því Byron Scott, þjálfari Lakers, vildi sjá hvernig ákveðnir leikmenn stæðu sig undir pressu. Þeir stóðust prófið að þessu sinni.

Jordan Clarkson skoraði 22 stig fyrir Lakers og Brandon Bass skoraði 18.

Lakers er nú búið að vinna 15 leiki í vetur en tapa 55. Það er næstlélegasti árangur deildarinnar en Philadelphia hefur aðeins unnið níu leiki.

Úrslit:

Brooklyn-Charlotte  100-105

New Orleans-Miami  99-113

Oklahoma-Houston  111-107

LA Lakers-Memphis  107-100

Staðan í deildinni.