Er troðslukóngur heimsins ekki einu sinni í NBA-deildinni?

Jordan Kilganon, 23 ára strákur sem er 185 cm á hæð, stal senunni í stjörnuleik NBA-deildinnar í nótt þegar hann bauð upp á eina rosalegustu troðslu sem sést hefur

Kilganon er ekki NBA-leikmaður heldur er hann atvinnutroðari sem selur æfingaprógram sem hjálpar fólki að stökkva hærra í þeim tilgangi að geta troðið.

Hann er frá Ontario í Kanada þar sem stjörnuleikurinn fór fram á heimavelli Toronto og fékk Dwayne Wade, leikmann Miami Heat, og félaga í stjörnuliði austurdeildarinnar til að missa andlitið.

Kilganon kom sér á kortið með troðslu í æfingasal sem sumir halda fram að sé flottasta troðsla sögunnar, en hana má sjá í spilaranum hér að neðan.

Í spilaranum hér að ofan má sjá troðsluna sem gerði NBA-leikmennina kjaftstopp í gær. Benda má á að Kilganon framkvæmdi troðsluna í gallabuxum.

Nú er spurt: Er troðslan hjá Kilganon flottari en troðslur Zach Lavine og Aaron Gordon í troðslukeppni NBA-deildarinnar?

Hér má lesa meira um Jordan Kilganon.