Metjöfnun hjá San Antonio

San Antonio vann auðveldan sigur á New Jersey, 106-79, í NBA-deildinni í nótt og þar með sinn 33. sigur á tímabilinu í 39 leikjum.

Um er að ræða metjöfnun hjá San Antonio en liðið hefur aðeins einu sinni áður byrjað tímabilið jafn vel. Það var fyrir fimm árum síðan.

LaMarcus Aldridge skoraði 25 stig fyrir San Antonio og tók ellefu fráköst. Kawhi Leonard bætti við sautján stigum fyrir San Antonio sem var að vinna sinn áttunda sigur í röð.

New Jersey hefur hins vegar tapað tíu heimaleikjum í röð en þetta var fyrsti leikur liðsins eftir að þjálfarinn Lionel Hollins var rekinn og framkvæmdastjórinn Billy King var færður til í starfi.

Golden Staet vann Miami, 111-103, með 31 stigi frá Steph Curry og 22 stigum og tólf fráköstum frá Draymond Greene.

Þetta var 36. sigur Golden State á tímabilinu en liðið hefur aðeins tapað tveimur leikjum. Liðið er vitaskuld með bestan árangurinn í NBA-deildinni.

Washington vann svo Chicago, 114-100. John Ball skoraði sautján stig og gaf tíu stoðsendingar fyrir Washington sem var þó án nokkurra lykilmanna í nótt. Derrick Rose skoraði 23 stig fyrir Chicago.

Úrslit næturinnar:

Brooklyn - San Antonio 79-106

Chicago - Washington 100-114

Golden State - Miami 111-103