Sjáðu tíu ára gamlan gutta leika eftir sturluð tilþrif Steph Curry | Myndband

Steph Curry, leikstjórnandi Golden State Warriors í NBA-deildinni í körfubolta, er svo góður að fólk er mætt löngu fyrir leiki bara til að sjá hann hita upp.

Tilþrif sem hann sýndi í upphitun fyrir leik Golden State fyrir viku síðan er gott dæmi um það, en þar sýndi þessi besti leikmaður NBA-deildarinnar á síðustu leiktíð ótrúlega meðhöndlun á boltanum.

Noah Cutler, tíu ára gamall körfuboltastrákur sem hefur fengið smá umfjöllun í bandarískum fjölmiðlum, ákvað að herma eftir tilþrifum Curry.

Þessi ungi snáði er ótrúlega góður með boltann miðað við aldur eins og sést á fjölmörgum myndböndum sem hann hefur sett inn á Instagram-síðu sína.

Nýjasta myndband hans hefur farið á flug en þar leikur hann eftir nýjustu tilþrif Curry. Myndbandið má sjá hér að neðan.

Fifth grader Noah Cutler does a perfect imitation of this Stephen Curry move. (via Instagram/babybirdman3)

Posted by Bleacher Report on Tuesday, January 12, 2016