Hálfrar milljón krónu sófasett entist í tvö ár Stefán Ó. Jónsson skrifar 4. janúar 2016 17:00 Svona lítur sófasettið út eftir 2 ár í eigu Heiðbjartar. mynd/heiðbjört „Það er rosalegt að lenda í þessu, fjárhagslegi skaðinn okkar er tæplega hálf milljón króna,“ segir Heiðbjört Ída Friðriksdóttir. Hún segir farir sínar ekki sléttar við húsgagnaverslunina Patti þar sem hún keypti sófasett í apríl 2012. Heiðbjört deildi raunasögu sinni af kaupunum á Facebook og hefur færslan vakið töluverða athygli. Í færslunni segir hún að sófasettið hafi verið með áklæði úr leðurlíki og samsett úr þremur einingum, 3+2+1. Greiddi hún alls 424.270 krónur fyrir. En í september 2015, rúmlega tveimur árum eftir að hafa fest kaup á settinu og það var komið úr ábyrgð, „fór að bera á sprungum og blöðrum í nýja settinu sem sprungu síðan og skildu eftir flakandi sár.“ Hún setti sig því í samband við Patta – enda „kaupi enginn sófasett fyrir rúmar 424 þúsund krónur og reiknar með tveggja ára endingu,“ eins og hún orðar það. Í samtali við Vísi segir hún þó að þær umleitanir hafi lítinn árangur borið.ÍSLENSKT NEI TAKK! Við hjónin versluðum sófasett 3+2+1 frá Patti Húsgögn (Bíldshöfða 18 Reykjavík) í apríl 2012. Só...Posted by Heiðbjört Ída Friðriksdóttir on Friday, 1 January 2016Hér sést hvernig eitt horn stólbaksins hefur slitnað mikið.„Í sannleika sagt þá gengur hvorki né rekur. Síðast þegar ég vissi þá átti að ganga frá þessu fyrir jól og milligjöfin okkar átti að vera 40 þúsund krónur upp í nýtt áklæði á sófanum – því við værum jú að fá „nýtt sófasett.“ Í næsta símtali þá var það komið upp í 80 þúsund og í ljósi þess að við þurfum náttúrulega að greiða fyrir flutninginn á settinu þá borgar þetta sig engan veginn,“ segir Heiðbjört sem er búsett á Akureyri en verslun Patta er við Bíldshöfða í Reykjavík. Heiðbjört segir að henni hafi verið tjáð við kaupin að gerviefnið á sófanum gæfi alvöru leðri lítið eftir í endingu en að starfsmaður Patta þræti í dag fyrir að hafa selt þeim sófana með þeim orðum. „Þannig að í raun er hann að kalla okkur lygara en við vorum saman hjónin þegar þetta var verslað,“ segir Heiðbjört. Hún segir að eins sæta sófinn sé verst farinn af þeim þremur, þrátt fyrir að vera minnst notaður. Stór blettur hafi myndast á stólbakinu, eins og myndin ber með sér, án þess þó að þetta svæði geti talist álagspunktur.Þekkt að gerviefnin endist skemur „Þetta efni hefur enst mjög vel hjá mörgum og þetta er ekki eitthvað sem er mjög algengt að komi fyrir,“ segir Gunnar Baldursson, framkvæmdastjóri Patta húsgagna. Hann bætir við að ending á gerviefnaáklæðum geti verið mjög mismunandi og að þeim hjónum hafi verið tjáð það þegar þau festu kaup á sófasettinu á sínum tíma. „Við höfum haft það fyrir reglu í góðan tíma að upplýsa fólk um þessi gerviefni, hvernig getur farið fyrir þeim,“ segir Gunnar og bætir við að endingin ráðist fyrst og fremst af meðhöndluninni á sófasettinu. „Það er ýmislegt sem fer illa í gerviefnin, til að mynda líkamsfita, sem veldur því að efnið getur sprungið upp,“ segir Gunnar. Þrátt fyrir að hann þekki ekki önnur dæmi þess að sófasett endist jafn illa þá sé það þó staðreynd að gerviefnin endist almennt skemur en alvöru leður. „Það skiptir auðvitað svakalegu máli með þessi gerviefni að þau séu þrifin með volgu vatni, strokið vel úr þeim til að þrífa burt líkamsfituna sem fer verst með þessi efni. Þau eru jú endingastyst og við höfum séð það í gegnum tímann,“ segir Gunnar. Hann kann þó fáar skýringar á fyrrnefndum bletti sem myndaðist á stólbaki eins sæta sófans. „Áklæðið er þannig að það er filma sem er yfir og svo tau kemur undir. Ef að filman byrjar að flagna þá gæti fólk hafa rifið hana í burtu og gert gatið stærra fyrir vikið.“ Aðspurður um umræddar 80 þúsund krónur sem Herdísi og manni hennar stóð til boða að greiða segir Gunnar að um greiðslu á mismun sé að ræða. „Þau völdu sér dýrara áklæði heldur en var á og þau eru því bara að greiða þann mismun. Svo að þannig séð eru þau að fá sófasettið frítt,“ segir Gunnar. Færslu Heiðbjartar Ídu, sem vakið hefur töluverða athygli, má sjá hér að ofan. Mest lesið Hryllingssögur og dæmi: „Slúbbertar halda heilu stofnunum í gíslingu“ Atvinnulíf Segir félaginu skylt að skipta sér af „sorgarvegferð“ Play Viðskipti innlent Hætta með spilakassa á Ölveri Viðskipti innlent Vara við „Lafufu“ Viðskipti erlent Seldu samheitalyf við hvítblæði og HIV fyrir hundruð milljóna Viðskipti innlent Greiddu eina krónu fyrir Mannlíf Viðskipti innlent Tekur við starfi forstjóra Samkaupa Viðskipti innlent Aukið samstarf opni á fleiri tengimöguleika til vesturstrandar Bandaríkjanna Viðskipti innlent Ráðin nýr fagstjóri hjá Íslandsstofu Viðskipti innlent Segir „vanstilltan“ starfsmann Icelandair kominn úr skotgröfunum Viðskipti innlent Fleiri fréttir Segir félaginu skylt að skipta sér af „sorgarvegferð“ Play Seldu samheitalyf við hvítblæði og HIV fyrir hundruð milljóna Ráðin nýr fagstjóri hjá Íslandsstofu Greiddu eina krónu fyrir Mannlíf Aukið samstarf opni á fleiri tengimöguleika til vesturstrandar Bandaríkjanna Bein útsending: Sjálfbærnidagur Landsbankans Tekur við starfi forstjóra Samkaupa Hætta með spilakassa á Ölveri Bein útsending: Ársfundur Grænvangs - Samstarf til framtíðar Flytja Emmessís í Grafarvog 78 sagt upp í þremur hópuppsögnum Tveir nýir framkvæmdastjórar hjá Póstinum Segir „vanstilltan“ starfsmann Icelandair kominn úr skotgröfunum Ráðinn nýr fjárfestingastjóri Ísafold Capital Partners Þrjár ráðnar til Krafts Bein útsending: Morgunfundur Svansins: Harðar kröfur – Auðvelt val Opnuðu 64 ný hjúkrunarrými á Hrafnistu í Kópavogi Kaupa bræðurna út: „Við vorum sammála um að vinna ekki lengur saman“ Flestir ánægðir með söluna á Íslandsbanka Samið um norðlenska forgangsorku „Þetta eru ekki alveg óvæntar fréttir“ Formaður FÍA hafi beina hagsmuni af því að ráðast gegn Play Selja hlut sinn í Skógarböðunum Spáir endalokum Play á Íslandi: „Fjárfestar voru lokkaðir að stofnun þessa félags“ Jón Gunnarsson til Samorku Tekur við starfi forstöðumanns lögfræðiráðgjafar Arion Ráðin fyrsti framkvæmdastjóri Kennarasambandsins Aðeins nokkrir eftir hjá PCC á Bakka eftir að þrjátíu til viðbótar var sagt upp „Hann er svolítið eins og Ragnar Reykás“ Innkalla ferskan kjúkling frá Matfugli vegna gruns um salmonellu Sjá meira
„Það er rosalegt að lenda í þessu, fjárhagslegi skaðinn okkar er tæplega hálf milljón króna,“ segir Heiðbjört Ída Friðriksdóttir. Hún segir farir sínar ekki sléttar við húsgagnaverslunina Patti þar sem hún keypti sófasett í apríl 2012. Heiðbjört deildi raunasögu sinni af kaupunum á Facebook og hefur færslan vakið töluverða athygli. Í færslunni segir hún að sófasettið hafi verið með áklæði úr leðurlíki og samsett úr þremur einingum, 3+2+1. Greiddi hún alls 424.270 krónur fyrir. En í september 2015, rúmlega tveimur árum eftir að hafa fest kaup á settinu og það var komið úr ábyrgð, „fór að bera á sprungum og blöðrum í nýja settinu sem sprungu síðan og skildu eftir flakandi sár.“ Hún setti sig því í samband við Patta – enda „kaupi enginn sófasett fyrir rúmar 424 þúsund krónur og reiknar með tveggja ára endingu,“ eins og hún orðar það. Í samtali við Vísi segir hún þó að þær umleitanir hafi lítinn árangur borið.ÍSLENSKT NEI TAKK! Við hjónin versluðum sófasett 3+2+1 frá Patti Húsgögn (Bíldshöfða 18 Reykjavík) í apríl 2012. Só...Posted by Heiðbjört Ída Friðriksdóttir on Friday, 1 January 2016Hér sést hvernig eitt horn stólbaksins hefur slitnað mikið.„Í sannleika sagt þá gengur hvorki né rekur. Síðast þegar ég vissi þá átti að ganga frá þessu fyrir jól og milligjöfin okkar átti að vera 40 þúsund krónur upp í nýtt áklæði á sófanum – því við værum jú að fá „nýtt sófasett.“ Í næsta símtali þá var það komið upp í 80 þúsund og í ljósi þess að við þurfum náttúrulega að greiða fyrir flutninginn á settinu þá borgar þetta sig engan veginn,“ segir Heiðbjört sem er búsett á Akureyri en verslun Patta er við Bíldshöfða í Reykjavík. Heiðbjört segir að henni hafi verið tjáð við kaupin að gerviefnið á sófanum gæfi alvöru leðri lítið eftir í endingu en að starfsmaður Patta þræti í dag fyrir að hafa selt þeim sófana með þeim orðum. „Þannig að í raun er hann að kalla okkur lygara en við vorum saman hjónin þegar þetta var verslað,“ segir Heiðbjört. Hún segir að eins sæta sófinn sé verst farinn af þeim þremur, þrátt fyrir að vera minnst notaður. Stór blettur hafi myndast á stólbakinu, eins og myndin ber með sér, án þess þó að þetta svæði geti talist álagspunktur.Þekkt að gerviefnin endist skemur „Þetta efni hefur enst mjög vel hjá mörgum og þetta er ekki eitthvað sem er mjög algengt að komi fyrir,“ segir Gunnar Baldursson, framkvæmdastjóri Patta húsgagna. Hann bætir við að ending á gerviefnaáklæðum geti verið mjög mismunandi og að þeim hjónum hafi verið tjáð það þegar þau festu kaup á sófasettinu á sínum tíma. „Við höfum haft það fyrir reglu í góðan tíma að upplýsa fólk um þessi gerviefni, hvernig getur farið fyrir þeim,“ segir Gunnar og bætir við að endingin ráðist fyrst og fremst af meðhöndluninni á sófasettinu. „Það er ýmislegt sem fer illa í gerviefnin, til að mynda líkamsfita, sem veldur því að efnið getur sprungið upp,“ segir Gunnar. Þrátt fyrir að hann þekki ekki önnur dæmi þess að sófasett endist jafn illa þá sé það þó staðreynd að gerviefnin endist almennt skemur en alvöru leður. „Það skiptir auðvitað svakalegu máli með þessi gerviefni að þau séu þrifin með volgu vatni, strokið vel úr þeim til að þrífa burt líkamsfituna sem fer verst með þessi efni. Þau eru jú endingastyst og við höfum séð það í gegnum tímann,“ segir Gunnar. Hann kann þó fáar skýringar á fyrrnefndum bletti sem myndaðist á stólbaki eins sæta sófans. „Áklæðið er þannig að það er filma sem er yfir og svo tau kemur undir. Ef að filman byrjar að flagna þá gæti fólk hafa rifið hana í burtu og gert gatið stærra fyrir vikið.“ Aðspurður um umræddar 80 þúsund krónur sem Herdísi og manni hennar stóð til boða að greiða segir Gunnar að um greiðslu á mismun sé að ræða. „Þau völdu sér dýrara áklæði heldur en var á og þau eru því bara að greiða þann mismun. Svo að þannig séð eru þau að fá sófasettið frítt,“ segir Gunnar. Færslu Heiðbjartar Ídu, sem vakið hefur töluverða athygli, má sjá hér að ofan.
Mest lesið Hryllingssögur og dæmi: „Slúbbertar halda heilu stofnunum í gíslingu“ Atvinnulíf Segir félaginu skylt að skipta sér af „sorgarvegferð“ Play Viðskipti innlent Hætta með spilakassa á Ölveri Viðskipti innlent Vara við „Lafufu“ Viðskipti erlent Seldu samheitalyf við hvítblæði og HIV fyrir hundruð milljóna Viðskipti innlent Greiddu eina krónu fyrir Mannlíf Viðskipti innlent Tekur við starfi forstjóra Samkaupa Viðskipti innlent Aukið samstarf opni á fleiri tengimöguleika til vesturstrandar Bandaríkjanna Viðskipti innlent Ráðin nýr fagstjóri hjá Íslandsstofu Viðskipti innlent Segir „vanstilltan“ starfsmann Icelandair kominn úr skotgröfunum Viðskipti innlent Fleiri fréttir Segir félaginu skylt að skipta sér af „sorgarvegferð“ Play Seldu samheitalyf við hvítblæði og HIV fyrir hundruð milljóna Ráðin nýr fagstjóri hjá Íslandsstofu Greiddu eina krónu fyrir Mannlíf Aukið samstarf opni á fleiri tengimöguleika til vesturstrandar Bandaríkjanna Bein útsending: Sjálfbærnidagur Landsbankans Tekur við starfi forstjóra Samkaupa Hætta með spilakassa á Ölveri Bein útsending: Ársfundur Grænvangs - Samstarf til framtíðar Flytja Emmessís í Grafarvog 78 sagt upp í þremur hópuppsögnum Tveir nýir framkvæmdastjórar hjá Póstinum Segir „vanstilltan“ starfsmann Icelandair kominn úr skotgröfunum Ráðinn nýr fjárfestingastjóri Ísafold Capital Partners Þrjár ráðnar til Krafts Bein útsending: Morgunfundur Svansins: Harðar kröfur – Auðvelt val Opnuðu 64 ný hjúkrunarrými á Hrafnistu í Kópavogi Kaupa bræðurna út: „Við vorum sammála um að vinna ekki lengur saman“ Flestir ánægðir með söluna á Íslandsbanka Samið um norðlenska forgangsorku „Þetta eru ekki alveg óvæntar fréttir“ Formaður FÍA hafi beina hagsmuni af því að ráðast gegn Play Selja hlut sinn í Skógarböðunum Spáir endalokum Play á Íslandi: „Fjárfestar voru lokkaðir að stofnun þessa félags“ Jón Gunnarsson til Samorku Tekur við starfi forstöðumanns lögfræðiráðgjafar Arion Ráðin fyrsti framkvæmdastjóri Kennarasambandsins Aðeins nokkrir eftir hjá PCC á Bakka eftir að þrjátíu til viðbótar var sagt upp „Hann er svolítið eins og Ragnar Reykás“ Innkalla ferskan kjúkling frá Matfugli vegna gruns um salmonellu Sjá meira