Árni Steinn markahæstur í tapi SönderjyskE

Daníel Freyr Andrésson, Árni Steinn Steinþórsson og félagar þeirra í SönderjyskE töpuðu með sex marka mun, 17-23, fyrir Bjerringbro-Silkeborg í dönsku úrvalsdeildinni í handbolta í kvöld.

Árni Steinn átti fínan leik og skoraði fjögur mörk úr átta skotum, flest allra í liði SönderjyskE. Hann átti einnig eina stoðsendingu.

Daníel stóð í marki SönderjyskE hluta leiksins og varði fimm skot af þeim 16 sem hann fékk á sig (31%).

SönderjyskE er í 7. sæti deildarinnar með 17 stig en átta efstu sætin gefa þátttökurétt í úrslitakeppninni í vor.

Bjerringbro-Silkeborg er hins vegar í 2. sæti deildarinnar en liðið hefur unnið þrjá af síðustu fjórum leikjum sínum.