Umfjöllun og viðtöl: ÍBV - Benfica 26-28 | Eyjamenn töpuðu fyrri leiknum Guðmundur Tómas Sigfússon í Lissabon skrifar 27. nóvember 2015 22:45 Eyjamenn eiga erfitt verkefni fyrir höndum á morgun. VÍSIR/gts ÍBV tapaði fyrri leiknum gegn portúgalska liðinu Benfica, 28-26, í 3. umferð Áskorendabikars Evrópu í handbolta, en liðin mættust í Lissabon í kvöld. Þetta er fyrri leikur liðanna af tveimur, en sá síðari fer fram á morgun. Það lið sem stendur betur að vígi eftir tvo leiki fer áfram í 16 liða úrslitin. Eyjamenn voru 14-13 yfir í hálfleik eftir að ná mest fimm marka forystu, 12-7, í fyrri hálfleiknum. Benfica jafnaði metin í 22-22 þegar tíu mínútur voru eftir og voru sterkari á endasprettinum. Einar Sverrisson fór hamförum fyrir ÍBV og skoraði 12 mörk úr 18 skotum, en Kári Kristján Kristjánsson skoraði fjögur mörk, þar af þrjú úr vítum. ÍBV fékk ekki mikla markvörslu í kvöld. Stephen Nielsen varði níu skot en Kolbeinn Aron Arnarson eitt vítakast. Markverðir Benfica voru með vel ríflega 40 prósent hlutfallsmarkvörslu. Eyjamenn eru enn án síns besta manns, Theodórs Sigurbjörnssonar, en ÍBV skoraði engu að síður fimm mörk úr hraðaupphlaupum í kvöld. Þökk sé góðri markvörslu fengu Benfica-menn nokkuð af auðveldum mörkum. Brasilíumaðurinn Uelington Da Silva var markahæstur heimamanna í kvöld þó um heimaleik ÍBV hafi verið að ræða, en hann skoraði sjö mörk úr ellefu skotum. Alls skoruðu ellefu leikmenn eitt mark eða fleiri fyrir portúgalska liðsins í kvöld og var skotnýting liðsins mjög góð. Verkefni morgundagsins verður erfitt fyrir Eyjamenn en þeir þurfa þriggja marka sigur til að komast áfram í sextán liða úrslitin.Arnar Pétursson: Komum þeim í opna skjöldu „Ég get sagt svo margt, ég er svekktur að hafa tapað þessu en fannst við spila ógeðslega vel lengi vel,“ sagði Arnar Pétursson, þjálfari Eyjamanna, eftir tveggja marka tap sinna manna gegn Benfica. „Við gerum þeim svolítið erfitt fyrir, þetta var hörkuleikur en ég er gríðarlega stoltur af strákunum. Við spiluðum virklega góðan leik.“ Fyrstu mínúturnar hjá ÍBV voru rosalega góðar, þar spiluðu allir leikmenn vel og vörnin var rosaleg. Heldur Arnar að þeir hafi komið Benfica í opna skjöldu? „Ég held að þeir hafi verið værukærir, lenda í töluverðum vandræðum með okkar varnarleik og það var mikil stemning í strákunum. Þeir voru virkilega vel stemmdir og tilbúnir í þennan leik.“ „Við komum þeim kannski í opna skjöldu, við vorum flottir, spiluðum okkar bolta og strákarnir voru staðráðnir í að gera sitt besta.“ Einar Sverrisson átti algjöran stórleik hjá Eyjamönnum en hann dró vagninn sóknarlega, hann skoraði tólf mörk í leiknum og hvert öðru fallegra. „Hann var mjög flottur, er frábær leikmaður, við vitum að hann er góður leikmaður og þetta er akkúrat það sem hann getur.“ Eyjamenn fóru með fjöldamörg dauðafæri í fyrri hálfleik, sem vega nú þungt. „Við förum með algjör dauðafæri í fyrri hálfleik sem hefðu hugsanlega þegar uppi er staðið getað gert útslagið í þessu, hefðum getað brotið þá á bak aftur ef við hefðum nýtt eitthvað af þessu.“ Geta Eyjamenn unnið seinni leikinn með þremur mörkum? „Já ég held það, ég held að við höfum sýnt það í kvöld að við getum vel unnið seinni leikinn með þremur mörkum. Við þurfum auðvitað að horfa aðeins á leikinn í kvöld og skoða þetta aðeins, sjá ákveðna hluti sem við lendum í vandræðum með.“ „Það var mjög flottur miðjumaður sem var að valda okkur vandræðum, við getum vonandi mætt jafnvel stemmdir á morgun þá eigum við séns í þetta,“ sagði Arnar að lokum en hann horfir björtum augum fram á veginn.Einar Sverrisson: Eru stórir og líta út fyrir að vera sterkir. „Já ég er mjög sáttur, ég bjóst við þeim sterkari en við vorum bara að leysa vörnina þeirra mjög vel,“ sagði Einar Sverrisson, leikmaður Eyjamanna, eftir tveggja marka tap gegn Benfica í Áskorendakeppni Evrópu. Einar átti frábæran leik en hann skoraði tólf mörk, þar af átta í fyrri hálfleik. „Við komumst alltaf í færi og nýttum þau þokkalega vel. Í seinni hálfleik held ég að það sé aðeins farið að draga af okkur, sjálfur var ég að fá krampa í kálfana, ég þarf að drekka meira vatn og svona.“ „Það voru nokkur dauðafæri sem mættu detta, ég held að munurinn liggi aðallega þar,“ sagði Einar en Eyjamenn fóru með nokkur dauðafæri í fyrri hálfleik, sem vega þungt þegar upp er staðið. „Ég er mjög sáttur með minn leik, ég fann í upphitun að ég var að hitna vel, þegar það leið á leikinn þá var allt inni. Þá hugsaði ég með mér að þessir markmenn gætu ekki blautan, ég lét bara vaða áfram á markið, það er það eina sem virkar í þessu.“ Eyjamenn byrjuðu leikinn alveg frábærlega, komust meðal annars fimm mörkum yfir í fyrri hálfleik en þá skoruðu Benfica-menn fjögur mörk í röð. Á þeim kafla fengu Eyjamenn tvisvar sinnum tveggja mínútna brottvísun og klikkuðu á vítakasti. Hvað þurfa Eyjamenn að gera til að eiga séns í þessu einvígi? „Ég held að við þurfum að spila eins, við fáum þarna nokkur dauðafæri sem við megum nýta betur. Við þyrftum kannski að vera aðeins klókari á nokkrum tímapunktum, ef við spilum svona og komum eins stemmdir og við komum í þennan leik verði þetta hörkuleikur.“ „Þeir eru stórir, líta út fyrir að vera sterkir en eru það ekki, þeir eru ekkert að taka neitt gríðarlega hart á okkur ég hugsa að þetta sé svipuð geta og heima.“ „Auðvitað eru þeir aðeins betri samt.“ Handbolti Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Sögulegur dagur er Thelma sópaði til sín gullverðlaunum Sport Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
ÍBV tapaði fyrri leiknum gegn portúgalska liðinu Benfica, 28-26, í 3. umferð Áskorendabikars Evrópu í handbolta, en liðin mættust í Lissabon í kvöld. Þetta er fyrri leikur liðanna af tveimur, en sá síðari fer fram á morgun. Það lið sem stendur betur að vígi eftir tvo leiki fer áfram í 16 liða úrslitin. Eyjamenn voru 14-13 yfir í hálfleik eftir að ná mest fimm marka forystu, 12-7, í fyrri hálfleiknum. Benfica jafnaði metin í 22-22 þegar tíu mínútur voru eftir og voru sterkari á endasprettinum. Einar Sverrisson fór hamförum fyrir ÍBV og skoraði 12 mörk úr 18 skotum, en Kári Kristján Kristjánsson skoraði fjögur mörk, þar af þrjú úr vítum. ÍBV fékk ekki mikla markvörslu í kvöld. Stephen Nielsen varði níu skot en Kolbeinn Aron Arnarson eitt vítakast. Markverðir Benfica voru með vel ríflega 40 prósent hlutfallsmarkvörslu. Eyjamenn eru enn án síns besta manns, Theodórs Sigurbjörnssonar, en ÍBV skoraði engu að síður fimm mörk úr hraðaupphlaupum í kvöld. Þökk sé góðri markvörslu fengu Benfica-menn nokkuð af auðveldum mörkum. Brasilíumaðurinn Uelington Da Silva var markahæstur heimamanna í kvöld þó um heimaleik ÍBV hafi verið að ræða, en hann skoraði sjö mörk úr ellefu skotum. Alls skoruðu ellefu leikmenn eitt mark eða fleiri fyrir portúgalska liðsins í kvöld og var skotnýting liðsins mjög góð. Verkefni morgundagsins verður erfitt fyrir Eyjamenn en þeir þurfa þriggja marka sigur til að komast áfram í sextán liða úrslitin.Arnar Pétursson: Komum þeim í opna skjöldu „Ég get sagt svo margt, ég er svekktur að hafa tapað þessu en fannst við spila ógeðslega vel lengi vel,“ sagði Arnar Pétursson, þjálfari Eyjamanna, eftir tveggja marka tap sinna manna gegn Benfica. „Við gerum þeim svolítið erfitt fyrir, þetta var hörkuleikur en ég er gríðarlega stoltur af strákunum. Við spiluðum virklega góðan leik.“ Fyrstu mínúturnar hjá ÍBV voru rosalega góðar, þar spiluðu allir leikmenn vel og vörnin var rosaleg. Heldur Arnar að þeir hafi komið Benfica í opna skjöldu? „Ég held að þeir hafi verið værukærir, lenda í töluverðum vandræðum með okkar varnarleik og það var mikil stemning í strákunum. Þeir voru virkilega vel stemmdir og tilbúnir í þennan leik.“ „Við komum þeim kannski í opna skjöldu, við vorum flottir, spiluðum okkar bolta og strákarnir voru staðráðnir í að gera sitt besta.“ Einar Sverrisson átti algjöran stórleik hjá Eyjamönnum en hann dró vagninn sóknarlega, hann skoraði tólf mörk í leiknum og hvert öðru fallegra. „Hann var mjög flottur, er frábær leikmaður, við vitum að hann er góður leikmaður og þetta er akkúrat það sem hann getur.“ Eyjamenn fóru með fjöldamörg dauðafæri í fyrri hálfleik, sem vega nú þungt. „Við förum með algjör dauðafæri í fyrri hálfleik sem hefðu hugsanlega þegar uppi er staðið getað gert útslagið í þessu, hefðum getað brotið þá á bak aftur ef við hefðum nýtt eitthvað af þessu.“ Geta Eyjamenn unnið seinni leikinn með þremur mörkum? „Já ég held það, ég held að við höfum sýnt það í kvöld að við getum vel unnið seinni leikinn með þremur mörkum. Við þurfum auðvitað að horfa aðeins á leikinn í kvöld og skoða þetta aðeins, sjá ákveðna hluti sem við lendum í vandræðum með.“ „Það var mjög flottur miðjumaður sem var að valda okkur vandræðum, við getum vonandi mætt jafnvel stemmdir á morgun þá eigum við séns í þetta,“ sagði Arnar að lokum en hann horfir björtum augum fram á veginn.Einar Sverrisson: Eru stórir og líta út fyrir að vera sterkir. „Já ég er mjög sáttur, ég bjóst við þeim sterkari en við vorum bara að leysa vörnina þeirra mjög vel,“ sagði Einar Sverrisson, leikmaður Eyjamanna, eftir tveggja marka tap gegn Benfica í Áskorendakeppni Evrópu. Einar átti frábæran leik en hann skoraði tólf mörk, þar af átta í fyrri hálfleik. „Við komumst alltaf í færi og nýttum þau þokkalega vel. Í seinni hálfleik held ég að það sé aðeins farið að draga af okkur, sjálfur var ég að fá krampa í kálfana, ég þarf að drekka meira vatn og svona.“ „Það voru nokkur dauðafæri sem mættu detta, ég held að munurinn liggi aðallega þar,“ sagði Einar en Eyjamenn fóru með nokkur dauðafæri í fyrri hálfleik, sem vega þungt þegar upp er staðið. „Ég er mjög sáttur með minn leik, ég fann í upphitun að ég var að hitna vel, þegar það leið á leikinn þá var allt inni. Þá hugsaði ég með mér að þessir markmenn gætu ekki blautan, ég lét bara vaða áfram á markið, það er það eina sem virkar í þessu.“ Eyjamenn byrjuðu leikinn alveg frábærlega, komust meðal annars fimm mörkum yfir í fyrri hálfleik en þá skoruðu Benfica-menn fjögur mörk í röð. Á þeim kafla fengu Eyjamenn tvisvar sinnum tveggja mínútna brottvísun og klikkuðu á vítakasti. Hvað þurfa Eyjamenn að gera til að eiga séns í þessu einvígi? „Ég held að við þurfum að spila eins, við fáum þarna nokkur dauðafæri sem við megum nýta betur. Við þyrftum kannski að vera aðeins klókari á nokkrum tímapunktum, ef við spilum svona og komum eins stemmdir og við komum í þennan leik verði þetta hörkuleikur.“ „Þeir eru stórir, líta út fyrir að vera sterkir en eru það ekki, þeir eru ekkert að taka neitt gríðarlega hart á okkur ég hugsa að þetta sé svipuð geta og heima.“ „Auðvitað eru þeir aðeins betri samt.“
Handbolti Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Sögulegur dagur er Thelma sópaði til sín gullverðlaunum Sport Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira