Aldridge til Spurs

LaMarcus Aldridge er á leið til San Antonio Spurs í NBA-körfuboltanum, en hann greindi frá þessu á Twitter-síðu sinni í kvöld. Hann kemur til Spurs frá Portland.

Aldridge, sem er 29 ára gamall, hefur spilað með Portland Trail Blazers frá árinu 2006, en söðlar nú um og spilar með San Antonio Spurs á næstu leiktíð.

Hann hefur fjórum sinnum verið valinn í stjörnuliðið í NBA körfuboltanum, en hann var á dögunum valinn íþróttamaður ársins í Oregon fylki af Nike.

Samningurinn sem Aldridge gerir er fjögurra ára, en hann er talinn fá 80 milljónir punda fyrir samninginn. Hann var að meðaltali með 23,4 stig að meðaltali á síðustu leiktíð, tók rúm tíu fráköst og gaf 1,7 stoðsendingu að meðaltali.

Spurs lenti í þriðja sæti suð-vesturdeildarinnar, en þeir unnu 55 leiki og töpuðu 27 eða voru með 67,1% sigurhlutfall.

I'm happy to say I'm going home to Texas and will be a Spur!! I'm excited to join the team and be close to my family and friends.

— Lamarcus Aldridge (@aldridge_12) July 4, 2015