128 milljóna króna gjald­þrot Her­berts Guð­munds­sonar

Skiptum í þrotabú tónlistarmannsins Herberts Guðmundssonar er nú lokið. Lýstar kröfur námu 128 milljónum króna,  þar af fengust greiddar 43,5 milljónir króna upp í veð- og lögveðskröfur en ekki fékkst greitt upp í aðrar kröfur.

Herbert sagðist vera orðinn „endanlega frjáls“ í samtali við Vísi þegar hann fór fram á gjaldþrotaskiptin í nóvember síðastliðnum. Herbert bætti við að hann hefði farið fram á gjaldþrotaskiptin vegna tíu milljóna króna körfu frá húsfélaginu að Prestbakka 11 til 21.

Sjá einnig: Herbert Guðmundsson á leið í gjaldþrot

„Það eina sem menn geta náð af mér núna er að tappa af mér blóðinu,“ sagði Herbert.

Skuldin við húsfélagið var tilkomin vegna þakviðgerða árið 2005 á raðhúsalengjunni við Prestbakka 11 til 21 þar sem Herbert bjó. Húsfélagið fór fram á að Herbert tæki þátt í kostnaðnum við viðgerðina. Því neitaði Herbert og í kjölfarið hófust málaferli sem Herbert tapaði að lokum.