SA Íslandsmeistari eftir stórsigur

Skautafélag Akureyrar, SA, varð í kvöld Íslandsmeistari í íshokkí þriðja árið í röð.

SA pakkaði þá Skautafélagi Reykjavíkur, SR, saman, 7-0, í fimmta leik liðanna. SA vann því rimmu liðanna 4-1 samtals og er afar vel að titlinum komið.

Yfirburðir Norðanmanna í kvöld voru miklir eins og lokatölurnar bera með sér. Liðið steig upp í úrslitakeppninni en SR vann deildakeppnina.

Rúnar F. Rúnarsson, Stefán Hrafnsson (2), Jón B. Gíslason, Ingvar Þór Jónsson, Jóhann Már Leifsson og Samuel Krakavar skoruðu mörk SA í kvöld að því er fram kemur á mbl.is.