Durant við blaðamenn: Þið vitið ekki neitt

Einn besti körfuboltamaður heims, Kevin Durant, fór ekki leynt með álit sitt á blaðamönnum í gær er hann þurfti að hitta þá í aðdraganda stjörnuleiksins.

„Þið vitið ekki neitt. Ég er bara að tala við ykkur því ég verð að gera það. Mér er eiginlega alveg sama hvað ykkur finnst. Þið eruð ekki vinir mínir," sagði Durant pirraður.

„Þið skrifið bara það sem þið viljið. Þið elskið okkur einn daginn og hatið þann næsta. Það er hluti af þessu. Ég verð að læra að lifa með því."

Stjörnuleikurinn hefst klukkan eitt í nótt og er í beinni útsendingu á Stöð 2 Sport.