Anthony afgreiddi Lakers

Aðeins tveir leikir fóru fram í NBA-deildinni í nótt. NY Knicks og Miami Heat í stuði.

Carmelo Anthony var í sérstaklega miklu stuði í liði Knicks en hann skoraði 31 stig í tólf stiga sigri liðsins gegn Lakers.

Hann hefur verið harðlega gagnrýndur fyrir sinn leik í vetur og meðal annars fengið að heyra að hann sé orðinn of gamall. Hann reyndi að svara því í nótt. 18 af þessum 31 stigum komu í þriðja leikhluta.

Bæði lið hafa valdið vonbrigðum með sínum leik í vetur.

Hassa Whiteside átti svo flottan leik fyrir Miami og skoraði 20 stig í sigri á Boston. Whiteside tók líka níu fráköst fyrir Miami.

Úrslit:

Boston-Miami  75-83

NY Knicks-LA Lakers  94-80