María Guðmundsdóttir, landsliðskona í alpagreinum, vann í dag sitt annað svigmót á jafn mörgum dögum í Idre í Svíþjóð.
Hún var fyrst eftir fyrri ferðina, einungis 4/100 úr sekúndu á undan næstu stúlku, en átti frábæra seinni ferð og vann samanlagt með 1,15 sekúndu forskot.
María fékk fyrir mótið 28.53 FIS-punkta, en það er bæting hjá henni um rétt tæplega tvo punkta.
Nokkrir aðrir íslenskir keppendur voru á sama móti. Rannveig Hjaltadóttir endaði í 32.sæti en Thelma Rut Jóhannsdóttir náði ekki að ljúka keppni.
María vann annað svigmót í Idre
Tengdar fréttir
María vann svigmót í Svíþjóð
María Guðmundsdóttir er komin aftur á fulla ferð og vann í dag alþjóðlegt svigmót í Idre í Svíþjóð. Þetta eru frábærar fréttir en María er að undirbúa sig fyrir HM í febrúar.
