Hafdís Sigurðardóttir, frjálsíþróttakona úr UFA, setti rétt í þessu nýtt Íslandsmet í langstökki á Alþjóðlegum Reykjavíkurleikunum sem standa yfir frá 15. til 25. janúar.
Hafdís stökk 6,47 metra og setti sem áður sagði nýtt Íslandsmet. Hafdís átti sjálf gamla metið sem var 6,45 metrar, en hún setti það í febrúar á síðasta ári.
Ekki nóg með það heldur tryggði hún sér í leiðinni keppnisrétt á Evrópumeistaramótinu innanhús í frjálsum íþróttum.
Hafdís setti nýtt Íslandsmet í langstökki | Stökk 6,47 metra
