Sorrí sigraði með yfirburðum

Við höldum áfram þeim samkvæmisleik að velja verstu og bestu titla ársins og nú er komið að geisladiskunum. Þar bar diskur Prins Póló höfuð og herðar yfir keppinautana, tveir af hverjum þremur álitsgjöfum völdu Sorrí besta titil ársins. Mjórra var á munum í keppninni um versta titilinn en Liberté Gulla Briem marði sigur á Eru ekki allir sexí? Helga Björns.

Besti titillinn

1. sæti Sorrí - Prins póló

Gott af því Prinsinn hefur akkúrat ekkert til að vera sorrí yfir.

Sorrí, en ég gat ekki, ekki valið Sorrí.

Lýsir hljómsveitinni fullkomlega. Einfaldur titill sem segir samt svo margt.

2. sætiRökrétt framhald - Grísalappalísa

Finnst bara fyndið að hugsa til þess að nokkuð sé rökrétt fyrir Grísalappalísu.

Mjög rökrétt nafn á rökréttri plötu, en líka flottur titill og gæti hafa komið úr smiðju Megasar – sem eru ekki slæm meðmæli.

Hér hyggst bandið væntanlega ætla að slá vopnin úr höndum gagnrýnanda sem oft nota þennan frasa og tekst það svona ljómandi vel.

3. sætiMexico - GusGus

Hljómar vel. Lúkkar vel. Bara alveg eins og GusGus.

Kúl plötutitill hjá kúl bandi.

C-ið gerir gæfumuninn. Gott að þeir eru hættir í K-inu.

Versti titillinn

1. sætiLiberté - Gulli Briem

Hljómar sjúklega snobbað.

Gulli gerir heiðarlega tilraun til að tryggja sér heimsmeistaratitilinn í tilgerð.

Fallegt orð – en franskt og verður því frekar tilgerðarlegt á íslenskri plötu.

2. sætiEru ekki allir sexý? - Helgi Björns

NEI!

Ég er ekki viss hvort mér þyki þessi frasi henta sem plötutitill. Hann er ekki mjög sexý.

Nei, Helgi. Ekki allir.

3. sætiKöttur á heitri steypu - Gímaldin

Ég mæli ekki með því að nýta sér þjónustu Google Translate þegar plötutitlar eru annars vegar.

Léleg tilvísun.

Umdeildir titlar

Nokkrir plötutitlar fengu atkvæði bæði sem besti og versti titill.

Besti:Eru ekki allir sexý – Helgi Björns

„Að þetta sé fyrsta platan sem Helgi gefur út með þessum titli er furða. Sjaldan hefur „Save the best till last“ átt jafn vel við.“

Versti:Mexico – GusGus

„Greinilega bara nafn út í loftið, kannski hafa þeir verið að fletta landakorti. „Alaska“ hefði strax verið betra.“

Versti:Rökrétt framhald – Grísalappalísa

„Hugmyndasnautt nafn frá mjög hugmyndaríkri hljómsveit.“

Heyrðu mig nú – Abamadama

Besti: „Skemmtilegur titill á plötu. Eitthvað svo hreinn og beinn með keim af orðagríni.“

Versti: „Vonarstjörnur íslenskrar tónlistar. Og Heyrðu mig nú er það besta sem þeim datt í hug! Hvert er heimurinn að fara…“



Einnig nefndir

Fjöldi plötutitla komst á blað hjá álitsgjöfum, bæði sem besti og versti titill.

Versti titill

Heim - Jón Jónsson

Það eru bara stórstjörnur sem komast upp með að bjóða aðdáendum sínum upp á svona týpískan og glataðan plötutitil. Minni spámenn mega hins vegar skammast sín.

Besti titill

Kælir varðhund - Stafrænn Hákon

Maður leiðir hugann alls ekki nægilega oft að varðhundum í frystikistum. Þessi plötutitill breytir því og á því skilið verðlaun af einhverju tagi.

Versti titill

Palme - Ólöf Arnalds

Olof Palme… Really? Í versta falli smekklaust djók, í besta falli hallærislegur einkahúmor. Fittar tónlistinni 0%.

Besti titill

O - Low Roar

Er þetta einhver tíska núna að kalla plötur eftir bókstaf? En þetta er sniðugt, O eins og í báðum nöfnum á bandinu.

Versti titill

Diskó Berlín - Nýdönsk

Diskó + Berlín = Nýdönsk. Þetta er bara jafna sem gengur ekki upp. Nýdönsk fann óvart upp á nafni á GusGus plötu.

Álitsgjafar

Gunnar Lárus Hjálmarsson tónlistarmaður

Anna Margrét Björnsson blaðamaður

Einar Bárðarson umboðsmaður Íslands

Sara McMahon blaðamaður

Steinþór Helgi Arnsteinsson umboðsmaður

Lilja Katrín Gunnarsdóttir blaðamaður

Kjartan Guðmundsson dagskrárgerðarmaður

Kolbrún Björt Sigfúsdóttir leikstjóri

Björn Teitsson tónlistargagnrýnandi