Jólaljósin tendruð á Austurvelli í dag

Ljósin á jólatrénu á Austurvelli verða tendruð klukkan 16 í dag við hátíðlega athöfn. Hefð er fyrir því að aðventan hefjist með formlegum hætti með tendrun jólaljósanna en fresta þurfti athöfninni í síðustu viku vegna veðurs. Jólatréð var fengið frá Ósló en brotnaði það í óveðrinu svo sækja þurfti nýtt tré úr Heiðmörk.

Tréð verður að venju fagurskreytt ljósum en að auki mun Giljagaur, jólaórói Styrktarfélags lamaðra og fatlaðra 2014 prýða tréð. Óróar styrktarfélagsins hafa prýtt tréð síðustu ár en Giljagaur er níundi óróinn í jólasveinaseríu félagsins.