Kóngurinn með sýningu fyrir prinsinn | Beyoncé gestgjafi

Konungurinn í NBA-boltanum, LeBron James, sýndi Vilhjálmi Bretaprinsi og Katrínu konu hans að það getur verið gott að vera kóngurinn.

James tók þá jafnan leik gegn Brooklyn í sínar hendur og stýrði sínu liði til sigurs fyrir framan konunglegu áhorfendurnar.

Það sem meira er þá færði hann þeim gjafir. Muffins úr uppáhaldsbakaríinu sínu í Akron og svo treyjur. Líka fyrir son þeirra.

„Þau færðu okkur gæfu. Þetta var fyrsti körfuboltaleikurinn sem þau sjá og það var heiður að þau skildu vilja sjá mig spila," sagði James eftir leikinn en hann skoraði 18 stig og gaf 7 stoðsendingar.

Hér að neðan má svo sjá tilþrif úr leikjum næturinnar sem og þegar Íslandsvinirnir Beyoncé og Jay-Z tóku á móti konunglegu gestunum í Brooklyn.

Úrslit:

Indiana-Atlanta  92-108

Washington-Boston  133-132

Brooklyn-Cleveland  88-110

Toronto-Denver  112-107

Minnesota-Golden State  86-102

Sacramento-Utah  101-92

LA Clippers-Phoenix  121-120