Martin og Hildur valin best - frábært kvöld fyrir KR og Snæfell

Martin Hermannson úr KR og Hildur Sigurðardóttir úr Snæfelli voru í kvöld valin bestu leikmenn Domnios-deilda karla og kvenna í körfubolta á þessu tímabili en þau fengu verðlaun sín á lokahófi KKÍ.

Martin var einnig valinn besti ungi leikmaður Dominos-deildar karla en Marín Laufey Davíðsdóttir hjá Hamar þótti besti ungi leikmaður Dominos-deildar kvenna.

Þetta var annars frábært kvöld fyrir karlalið KR og kvennalið Snæfells sem sópuðu að sér verðlaunum á lokahófinu en bæði liðin tryggðu sér Íslandsmeistaratitilinn á dögunum.

KR fékk öll verðlaunin í karlaflokki því Finnur Freyr Stefánsson var valinn besti þjálfarinn og Darri Hilmarsson var kosinn besti varnarmaðurinn auk þess að vera valinn prúðasti leikmaðurinn. KR átti einnig þrjá af fimm leikmönnum í úrvalsliði karla.

 

Nánast sömu sögu er að segja af kvennaliði Snæfells því Ingi Þór Steinþórsson var valinn besti þjálfarinn og Guðrún Gróa Þorsteinsdóttir þótti besti varnarmaðurinn í kvennadeildinni. Auður Ólafsdóttir úr Haukum var valin prúðasti leikmaðurinn. Líkt og hjá karlaliði KR þá átti kvennalið Snæfells þrjá af fimm leikmönnum úrvalsliðs kvenna.

Michael Craion hjá Keflavík var kosinn besti erlendi leikmaður Dominos-deildar karla en Lele Hardy hjá Haukaum þótti besti erlendi leikmaðurinn í kvennadeildinni. Hardy var að fá þessi verðlaun þriðja árið í röð.

Rögnvaldur Hreiðarsson var kosinn besti dómarinn í Dominos-deildum karla og kvenna 2013-14 en þetta er í fyrsta sinn sem hann fær þessi verðlaun.



Verðlaun á lokahófi KKÍ 2014:

Besti leikmaður Domino´s deild kvenna 2013-14

Hildur Sigurðardóttir Snæfell

Besti þjálfari Domino´s deild kvenna 2013-14

Ingi Þór Steinþórsson Snæfell

Besti ungi leikmaður Domino´s deild kvenna 2013-14

Marín Laufey Davíðsdóttir Hamar

Úrvalslið 2013-14 Domino´s deild kvenna

Hildur Sigurðardóttir Snæfell

Guðrún Gróa Þorsteinsdóttir Snæfell

Hildur Björg Kjartansdóttir Snæfell

Sigrún Sjöfn Ámundadóttir KR

Bryndís Guðmundsdóttir Keflavík

Besti varnarmaður Domino´s deild kvenna 2013-14

Guðrún Gróa Þorsteinsdóttir Snæfell

Besti erlendi leikmaður Domino´s deild kvenna 2013-14

Lele Hardy Haukar

Prúðasti leikmaður Domino´s deild kvenna 2013-14

Auður Íris Ólafsdóttir



Besti leikmaður Domino´s deild karla 2013-14

Martin Hermannsson KR

Besti þjálfari Domino´s deild karla 2013-14

Finnur Freyr Stefánsson KR

Besti ungi leikmaður Domino´s deild karla 2013-14

Martin Hermannsson KR

Úrvalslið 2013-14 Domino´s deild karla

Elvar Már Friðriksson Njarðvík

Martin Hermannsson KR

Pavel Ermolinskij KR

Helgi Már Magnússon KR

Ragnar Nathanaelsson Þór Þorlákshöfn

Besti varnarmaður Domino´s deild karla 2013-14

Darri Hilmarsson KR

Besti erlendi leikmaður Domino´s deild karla 2013-14

Michael Craion Keflavík

Prúðasti leikmaður Domino´s deild karla 2013-14

Darri Hilmarsson KR

Besti dómarinn Domino´s deildum karla og kvenna 2013-14

Rögnvaldur Hreiðarsson