Grótta vann Stjörnuna - Liðin sem mætast í úrslitakeppninni

Deildarmeistarar Stjörnunnar töpuðu fyrir Gróttu, 27-24, í lokaumferð Olís-deildar kvenna í handbolta í dag en Grótta endar í fimmta sæti deildarinnar.

Lene Burmo skoraði tólf mörk fyrir Gróttu í dag og Anett Köbli sjö en Helena Rut Örvarsdóttir var markahæsti hjá gestunum með sjö mörk.

Grótta mætir Fram í úrslitakeppninni en Framstúlkur unnu Hauka á útivelli, 22-19, og tryggðu sér heimavallarrétt í fyrstu umferðinni.

Ragnheiður Júlíusdóttir skoraði átta mörk fryir Fram og MartheSördal fimm en MarijaGedroit var markahæst hjá Haukum að vanda með tíu mörk.

ÍBV vann FH, 24-21, á heimavelli og endar í þriðja sæti deildarinnar og mætir einmitt FH í átta liða úrslitum og þá vann HK sigur á botnliði Aftureldingar í dag, 28-22, í Mosfellsbæ. HK mætir Stjörnunni í átta liða úrslitum.

Einum leik er ólokið en það er viðureign Vals og KA/Þórs sem var frestað. Úrslitin úr honum hafa engin áhrif á lokastöðu liðanna. Valur endar í öðru sæti og mætir Haukum í fyrstu umferð úrslitakeppninnar.

Liðin sem mætast í átta liða úrslitum:

Stjarnan - HK

Valur - Haukar

ÍBV - FH

Fram - Grótta

Úrslit dagsins:

Grótta - Fram 27-24 (15-13)

Mörk Gróttu: Lene Burmo 12, Anett Köbli 7, Eva Björk Davíðsdóttir 3, Unnur Ómarsdóttir 2, Agnes Þóra Árnadóttir 2, Guðný Hjaltadóttir 1.

Mörk Stjörnunnar: Helena Rut Örvarsdóttir7 , Jóna Margrét Ragnarsdóttir 6, Sólveg Lára Kjærnested 5, Guðrún Ósk Kristjánsdóttir 3, Esther Viktoría Ragnarsdóttir 2, Þórhildur Gunnarsdóttir 1.

ÍBV - FH 24-21 (11-8)

Mörk ÍBV: Vera Lopes 11, Ester Óskarsdóttir 5, Guðbjörg Guðmannsdóttir 4, Díana Dögg Magnúsdóttir 3, Telma Amado 1.

Mörk FH: Aníta Mjöll Ægisdóttir 7, Berglind Óska Björgvinsdóttir 4, Birna Íris Helgadóttir 3, Jóna Sigríður Halldórsdóttir 2, Ingibjörg Pálmadóttir 2, Rakel Sigurðardóttir 1, Steinunn Snorradóttir 1, Heiðdís Guðmundsdóttir 1.

Haukar - Fram 19-22 (11-11)

Mörk Hauka: Marija Gedroit 10, Karen Helga Díönudóttir 4, Gunnhildur Pétursdóttir 2, VIktoria Valdimarsdóttir 1, Silja Ísberg 1, Áróra Eir Pálsdóttir 1.

Mörk Fram: Ragnheiður Júlíusdóttir 8, Marthe Sördal 5, Elva Þóra Arnardóttir 2, Steinunn Björnsdóttir 2, Kristín Helgadóttir 1, María Karlsdóttir 1, Hekla Rún Ámundadóttir 1.

Afturelding - HK 22-28 (12-14)

Mörk Aftureldingar: Hekla Daðadóttir 9, Sara Kristjándóttir 7, Íris Sigurðardóttir 2, Kristín Arndís Ólafsdóttir 1, Monika Budai 1, Dagny Huld Birgisdóttir 1, Vigdís Brandsdóttir 1.

Mörk HK: Þórhildur Braga Þórðardóttir 7, Valgerður Ýr Þorsteinsdóttir 7, Emma Sardardóttir 6, Gerður Arinbjarnar 4, Sigríður Hauksdóttir 2, Margrét Stefanía Þorkelsdóttir 1, Arna Björk Almarsdóttir 1.

Selfoss - Fylkir 22-22 (9-12)

Mörk Selfoss: Þuríður Guðjónsdóttir 11, Hrafnhildur Þrastardóttir 6, Perla Ruth Albertsdóttir 1, Carmen Palamrio 2, Kara Rún Árnadóttir 1, Hildur Öder Einarsdóttir 1.

Mörk Fylkis: Patricia Szölösi 10, Hildur Björnsdóttir 7, Thea Imani Sturludóttir 2, Ólfur Kristín Þorsteinsdóttir 1, Kristjana Björk Steinarsdóttir 1, Auður Guðbjörg Pálsdóttir 1.