Númer Iverson híft upp í rjáfur

NBA félagið Philadelpha 76ers heiðraði Allen Iverson í gærnótt þegar félagið lét hífa númer Iverson upp í rjáfur i Wells Fargo Center höllinni að viðstöddum 20.000 áhorfendum og auðvitað Iverson sjálfum.

Iverson með númerið 3 hangir nú upp í rjáfri þessarar glæsilegu hallar á milli Maurice Cheek sem var númer 10 og Charles Barkley sem lék í treyju 34.

„Það vildu allir að ég kæmi hér til að tala um hve mikið þið elskuðuð mig en treystið mér, tilfinningin var gagnkvæm,“ sagði Iverson í nótt.

Iverson lagði skóna á hilluna í október 2010. Hann var fjórum sinnum stigahæsti leikmaður NBA og var valinn verðmætasti leikmaðurinn 2001 þegar hann leiddi liðið í úrslit NBA þar sem liðið tapaði fyrir Los Angeles Lakers.

Myndband frá athöfninni má sjá hér að neðan.