Fjórtán sigrar í röð hjá Snæfelli - úrslit kvöldsins í kvennakörfunni

Úrslitin eru farin að skýrast í Dominos-deild kvenna í körfubolta í kvöld en þriðja síðasta umferð deildarinnar fór fram í kvöld. Eftir leiki kvöldsins er ljóst að Snæfell, Haukar og Keflavík verða í sætum eitt, tvö og þrjú og að Njarðvíkurliðið er fallið úr deildinni.

Snæfell og Haukar voru búin að tryggja sér tvö efstu sætin fyrir leiki kvöldsins en Keflavíkurkonur tryggðu sér endanlega þriðja sætið með 26 stiga sigri í Njarðvík, 84-58, en sú úrslit þýddu líka að Njarðvíkurliðið er fallið úr deildinni.

Eina spennan sem er eftir núna er um hvaða lið tekur fjórða og síðasta sætið inn í úrslitakeppnina. Valur og Hamar munu berjast um síðasta sætið í tveimur síðustu umferðunum en liðin mætast einmitt á miðvikudagskvöldið.

Valskonur töpuðu sínum öðrum leik í röð í kvöld þegar þær lágu 54-63 á heimavelli á móti Haukum. Valskonur eru samt áfram með tveggja stiga forskot á Hamar vegna þess að Hamar tapaði á sama tíma 76-80 á heimavelli á móti Grindavík.

KR tapaði 68-89 á heimavelli á móti deildarmeisturum Snæfells sem unnu sinn fjórtánda leik í röð. Tapið þýðir að KR getur ekki náð fjórða sætinu þótt að Valur sé "bara" fjórum stigum á undan KR. Valsliðið verður alltaf ofar á hagstæðari úrslitum úr innbyrðisleikjum liðanna.



Úrslit og stigaskor úr leikjum kvöldsins í Dominos-deild kvenna:



Njarðvík-Keflavík 58-84 (19-20, 15-26, 10-20, 14-18)

Njarðvík: Nikitta Gartrell 24/6 fráköst, Salbjörg Sævarsdóttir 11/7 fráköst, Andrea Björt Ólafsdóttir 6, Emelía Ósk Grétarsdóttir 4, Heiða B. Valdimarsdóttir 4, Aníta Carter Kristmundsdóttir 3, Erna Hákonardóttir 2, Guðbjörg Ósk Einarsdóttir 2, Guðlaug Björt Júlíusdóttir 2.

Keflavík: Bryndís Guðmundsdóttir 20, Diamber Johnson 18/9 fráköst/5 stoðsendingar, Sara Rún Hinriksdóttir 17/4 fráköst, Birna Ingibjörg Valgarðsdóttir 9/7 fráköst, Sandra Lind Þrastardóttir 8, Aníta Eva Viðarsdóttir 5, Bríet Sif Hinriksdóttir 5, Telma Lind Ásgeirsdóttir 2/5 fráköst.



Hamar-Grindavík 76-80 (21-19, 24-24, 19-25, 12-12)

Hamar: Chelsie Alexa Schweers 30/12 fráköst/6 stoðsendingar, Íris Ásgeirsdóttir 18/7 fráköst, Marín Laufey Davíðsdóttir 14/12 fráköst, Fanney Lind Guðmundsdóttir 11/8 fráköst, Sóley Guðgeirsdóttir 3/4 fráköst.

Grindavík: Crystal Smith 32/11 fráköst/5 stoðsendingar/8 stolnir, Pálína Gunnlaugsdóttir 22/10 fráköst/5 stolnir, María Ben Erlingsdóttir 14, Ingibjörg Jakobsdóttir 6/6 fráköst, Helga Rut Hallgrímsdóttir 4, Jeanne Lois Figeroa Sicat 2.



KR-Snæfell 68-89 (16-15, 13-16, 19-33, 20-25)

KR: Ebone Henry 16, Sigrún Sjöfn Ámundadóttir 15/8 fráköst, Bergþóra Holton Tómasdóttir 11, Ragnhildur Arna Kristinsdóttir 5, Björg Guðrún Einarsdóttir 5, Sólrún Sæmundsdóttir 4/5 fráköst, Sara Mjöll Magnúsdóttir 4/4 fráköst, Kristbjörg Pálsdóttir 4, Rannveig Ólafsdóttir 2, Helga Einarsdóttir 2/10 fráköst.

Snæfell: Hildur Björg Kjartansdóttir 23/8 fráköst/5 stoðsendingar, Hildur Sigurðardóttir 20/7 fráköst, Chynna Unique Brown 12/5 fráköst, Alda Leif Jónsdóttir 8, Helga Hjördís Björgvinsdóttir 7/7 fráköst, Eva Margrét Kristjánsdóttir 6/9 fráköst/5 stolnir, Hugrún Eva Valdimarsdóttir 6, Rebekka Rán Karlsdóttir 6, Edda Bára Árnadóttir 1.



Valur-Haukar 54-63 (11-13, 16-17, 15-18, 12-15)

Valur: Anna Alys Martin 23/5 fráköst, Ragna Margrét Brynjarsdóttir 11/11 fráköst, Guðbjörg Sverrisdóttir 9/5 fráköst/4 varin skot, Unnur Lára Ásgeirsdóttir 4/6 fráköst, Rut Herner Konráðsdóttir 3, Ragnheiður Benónísdóttir 2/4 fráköst, Hallveig Jónsdóttir 2.

Haukar: Lele Hardy 23/26 fráköst, Gunnhildur Gunnarsdóttir 15, Íris Sverrisdóttir 11/5 fráköst, Auður Íris Ólafsdóttir 7, Guðrún Ósk Ámundadóttir 4/6 fráköst, Dagbjört Samúelsdóttir 2, Margrét Rósa Hálfdanardóttir 1/6 fráköst.