NBA: Ástin réð hraðanum í Minnesota

Kevin Love og Ricky Rubio áttu báðir stórleik þegar Minnesota Timberwolves vann Indiana Pacers í NBA-deildinni í nótt, Patty Mills er að gera góða hluti í fjarveru Tony Parker, Dwight Howard tók með sér sigur heim frá Los Angeles og stórleikur Carmelo Anthony rétt dugði Knicks.

Kevin Love var með 42 stig og 16 fráköst þegar Minnesota Timberwolves vann 104-91 heimasigur á Indiana Pacers og Ricky Rubio sett persónulegt met með því að gefa 17 stoðsendingar. Paul George skoraði 35 stig fyrir Indiana en aðeins tvö þeirra í lokaleikhlutanum í þessu þriðja tapi Indiana-liðsins í síðustu fimm leikjum.

Kevin Love hefur nú verið með að minnsta kosti 25 stig og 10 fráköst í átta leikjum í röð en því hefur enginn náð síðan Shaquille O’Neal afrekaði það frá 3. til 19. janúar 2005.

Patty Mills kom með 29 stig af bekknum og Marco Belinelli setti niður mikilvægan þrist í lokin þegar San Antonio Spurs vann 111-109 útisigur á Portland Trailblazers. Spurs var án bæði Tim Duncan og Tony Parker en Portland lék án stjörnuleikmannsins LaMarcus Aldridge. Belinelli skoraði 20 stig fyrir Spurs og Manu Ginobili var með 16 stig. Damian Lillard var stigahæstur hjá Portland með 31 stig.

Dwight Howard var með 20 stig og 13 fráköst þegar nýja liðið hans Houston Rockets, heimsótti það gamla, Los Angeles Lakers, og vann öruggan 134-108 sigur. James Harden var með 29 stig og 11 stoðsendingar en hann skoraði 11 stig á síðustu 85 sekúndum leiksins. Wesley Johnson skoraði 24 stig fyrir Lakers og Kendall Marshall var með 20 stig og 16 stoðsendingar.

Carmelo Anthony skoraði 42 stig þegar New York Knicks vann 98-91 útisigur á New Orleans Pelicans. New York missti niður 13 stiga forskot í fjórða leikhlutanum en Anthony setti niður þrjú mikilvæg skot á síðustu tveimur mínútunum.



Úrslit í öllum leikjum NBA-deildarinnar í nótt:

Charlotte Bobcats - Detroit Pistons 116-98

Cleveland Cavaliers - Orlando Magic 101-93

Toronto Raptors - Chicago Bulls 92-94

Atlanta Hawks - Washington Wizards 97-114

Minnesota Timberwolves - Indiana Pacers 104-91

New Orleans Pelicans - New York Knicks 91-98

Phoenix Suns - Boston Celtics 100-94

Utah Jazz - Brooklyn Nets 99-105

Portland Trail Blazers - San Antonio Spurs 109-111

Sacramento Kings - Golden State Warriors 92-101

Los Angeles Lakers - Houston Rockets 108-134

Staðan í NBA-deildinni: