Strákarnir stigu balletspor í Herning | Myndband

Karlalandslið Íslands í handknattleik mætir Dönum í Boxen í Herning á Evrópumótinu í kvöld klukkan 19.30.

Strákarnir fóru í göngutúr í dag líkt og hefð er fyrir á leikdegi. Lestarstöðin í Herning varð á vegi strákanna þar sem Erlingur Richardsson, aðstoðarþjálfari landsliðsins, sjórnaði liðkandi æfingum.

„Einn af hans kostum er að hann er óútreiknanlegur og kemur sífellt á óvart með nýjum og skemmtilegum æfingum. Nú í dag fyrir leikinn okkar gegn Dönum tókum við þægilegan göngutúr þar sem numið var staðar inni á lestarstöðinni hér í Herning.“ skrifar Björgvin Páll Gústavsson, markvörður landsliðsins, í æfingadagbók sína.

„Þar skelltum við okkur í nokkrar balletæfingar og án nokkurs vafa eru þetta æfingar vikunnar. Ég er einnig viss um að þær skili sínu þegar í leikinn verður komið í kvöld gegn Dönum fyrir framan 15.000 áhorfendur í Boxen.“

Björgvin birtir ennfremur myndband frá lestarstöðinni á heimasíðu sinni sem sjá má hér að neðan.