NBA í nótt: Spurs á toppi Vesturdeildarinnar

Þrír leikir fóru fram í NBA-deildinni í nótt en þar ber helst að nefna frábæran sigur San Antonio Spurs á Minnesota Timberwolves, 104-86, vestan megin.

Leikurinn fór fram á heimavelli Spurs en liðið er nú komið í efsta sæti Vesturdeildarinnar, með einum sigri meira en OKC.

Kawhi Leonard var atkvæðamestur í liði San Antonio Spurs með 17 stig en Tony Parker átti einnig flottan leik og var með 14 stig og heilar tíu stoðsendingar.

Nikola Pekovic gerði 22 stig fyrir Timberwolves.

Sacramento Kings rústaði Cleveland Cavaliers 124-40 en leikurinn fór fram á heimavelli Kings. Þá vann Memphis Grizzlies Atlanta Hawks 108-101.