Stelpurnar sækja á

Knattspyrna er vinsælasta íþróttin á Íslandi sé miðað við iðkendatölur Íþrótta- og Ólympíusambands Íslands. Golf er næstvinsælasta íþróttin og í þriðja sæti eru hestaíþróttir.

ÍSÍ birti iðkendatölur sínar í vikunni fyrir árið 2012. Iðkun jókst um 1,2 prósent á milli áranna 2011 og 2012 en þær voru 119.810 stundaðar af 86 þúsund einstaklingum. Jafngildir það að tæp 27% þjóðarinnar stundi íþróttir með íþróttafélagi innan ÍSÍ. Um nánast óbreytt hlutfall er að ræða á milli ára.

Yfirlitið í heild sinni má sjá hér.

Tæplega helmingur iðkana var stundaður af börnum 15 ára og yngri eða um 47%. 60,9% iðkana voru stundaðar af körlum og 39,1% af konum. Þegar kynjamunurinn í yngri hópnum er skoðaður einn og sér er munurinn minni. Um 45% iðkana er stúlkna og 55% stráka.

Þátttaka í knattspyrnu var mest með 19.672 iðkendur. Næst kemur golf með 17.129 iðkendur og í þriðja sæti hestaíþróttir með 10.783 iðkendur.

Hlutfallsleg aukning í iðkendafjölda var mest í lyftingum þar sem fjöldinn fór úr 293 árið 2011 í 459 árið 2012. Um 57% aukningu er að ræða. Næst var aukningin mest í kraftlyftingum eða 51,2% og í þriðja sæti í þríþraut eða 23%.

Mests fækkun í iðkendafjölda var í akstursíþróttum þar sem iðkendur fóru úr 1.111 í 692 á milli ára sem svarar til 61% fækkunar. Iðkendum í hnefaleikum fækkaði úr 725 í 491 eða um 48%. Iðkendum á listskautum fækkaði um 30%.

Hér að neðan má sjá þær tíu íþróttagreinar með mestan iðkendafjölda:

1. Knattspyrna 19.672 iðkendur

2. Golf 17.129

3. Hestaíþróttir 10.783

4. Fimleikar 9.656

5. Handbolti 7.936

6. Körfubolti 6.644

7. Frjálsíþróttir 4.667

8. Badminton 4.535

9. Dans 3.871

10. Skotfimi 3.311