Kobe Bryant loks í sigurliði | LeBron frábær gegn Cleveland

Los Angeles Lakers vann Charlotte Bobcats 88-85 í NBA körfuboltanum í Bandaríkjunum í nótt. Þetta var fjórði leikur Lakers eftir að Kobe Bryants snéri aftur eftir meiðsli og fyrsti leikurinn sem liðið sigrar frá því að Bryant snéri aftur.

Bryant sýndi gamalkunna takta og skoraði 21 stig auk þess að gefa 8 stoðsendingar og hirða 7 fráköst en Bryant þarf að leika sem leikstjórnandi vegna mikilla meiðsla hjá liðinu. Pau Gasol og Jordan Hill skoruðu 15 stig fyrir Lakers.

Kemba Walker var bestur hjá Bobcats með 24 stig 8 stoðsendingar. Al Jefferson skoraði 14 stig og tók 9 fráköst.

LeBron James fór að vanda fyrir meisturum Miami Heat sem unnu fyrrum félaga James í Cleveland Cavaliers 114-107.

James skoraði 25 stig, gaf 9 stoðsendingar, tók 9 fráköst og stal 4 boltum en hann hitti úr 9 af 12 skotum sínum utan af velli. Dwyane Wade skoraði 24 stig og Chris Bosh 22.

Kyrie Irving skoraði 19 stig fyrir Cavaliers og Tristan Thompson og Dion Waiters 16.

Tim Duncan var í 50. sinn í sigurliði með San Antonio Spurs gegn Utah Jazz þegar Spurs vann öruggan sigur í leik liðanna í nótt 100-84.

Duncan fór fyrir Spurs með 22 stig og 12 fráköst en þetta var 19 sigur Spurs í 23 leikjum á tímabilinu. Tony Parker skoraði 15 stig fyrir Spurs sem var að leika sinn fjórða leik á fimm dögum.

Trey Burke skoraði 20 stig fyrir Jazz og Gordon Hayward 18.



Öll úrslit næturinnar:

Charlotte Hornets - Los Angeles Lakers 85-88

Washington Wizards – Los Angeles Clippers 97-113

Miami Heat – Cleveland – Cavaliers 114-107

New York Knicks – Atlanta Hawks 111-106

Chicago Bulls – Toronto Raptors 77-99

Philadelphia 76ers – Portland Trail Blazers 105-139

Dallas Mavericks – Milwaukee Bucks 106-93

Utah Jazz – San Antonio Spurs 84-100