Kobe ryðgaður og Lakers tapaði

Kobe Bryant snéri aftur út á körfuboltavöllinn í nótt. Það var engin draumaendurkoma því LA Lakers tapaði á heimavelli gegn Toronto.

Kobe byrjaði á því að gefa stoðsendingu í leiknum og var síðan frekar ryðgaður. Hann setti niður tvö af níu skotum sínum í leiknum og endaði með 9 stig, 8 fráköst og 4 stoðsendingar.

"Mér fannst ég geta hlaupið endalaust. Nú þarf bara að koma sér í leikform," sagði Bryant brattur eftir leikinn.

Amir Johnson var stigahæstur hjá Raptors með 32 stig og DeMar DeRozan skoraði 26.

Úrslit:

NY Knicks-Boston  73-114

Detroit-Miami  95-101

Houston-Orlando  98-88

Oklahoma-Indiana  118-94

LA Lakers-Toronto  94-104