Hill fór á kostum í liði Lakers

Jordan Hill er heldur betur að slá í gegn hjá LA Lakers en í annað sinn á fimm dögum bætti hann sinn besta árangur hjá félaginu. Í nótt skoraði hann 24 stig og tók 17 fráköst í sigri Lakers á Detroit.

Hvoru tveggja er persónulegt met hjá honum. Þessi strákur var hluti af pakkanum er Derek Fisher fór til Houston í mars árið 2012. Hann er að blómstra núna.

"Hann er að leggja sig allan fram. Strákurinn hefur hæfileika og er sífellt að bæta sig," sagði Mike D'Antoni, þjálfari Lakers.

Varamaðurinn Nick Young skoraði 19 stig og þessir strákar voru í aðalhlutverki.

Úrslit:

Toronto-Portland  110-118

Sacramento-Memphis  86-97

LA Lakers-Detroit  114-99

Staðan í NBA-deildinni.