Chelsea komið á blað í Meistaradeildinni - úrslitin í kvöld

Chelsea sótti þrjú stig til Rúmeníu í kvöld þegar liðið vann 4-0 sigur á Steaua Búkarest í Meistaradeild Evrópu í fótbolta. Sigurinn var lífsnauðsynlegur hjá lærisveinum Jose Mourinho eftir tap á heimavelli á móti Basel í fyrstu umferðinni.

Brasilíumaðurinn Ramires skoraði tvö mörk fyrir Chelsea í leiknum en þriðja markið var sjálfsmark. Samuel Eto'o átti stóran þátt í tveimur fyrstu mörkum Chelsea en Oscar lagði upp seinna markið fyrir Ramires. Frank Lampard skoraði síðan fjórða markið í lokin.

Julian Draxler tryggði Schalke á sama 1-0 útisigur á Basel en þýska liðið er því með fullt hús og þriggja stiga forskot á Chelsea og Basel. Steaua er aftur á móti stigalaust á botni riðilsins.

Pólverjinn Robert Lewandowski skoraði tvö mörk í 3-0 sigri Dortmund á Marseilla en Dortmund tapaði fyrir Napoli í fyrstu umferðinni.

Atlético Madrid lenti undir á útivelli á móti Porto en tryggði sér sigur með tveimur mörkum á síðasta hálftímanum. Arda Turan skoraði sigurmarkið fjórum mínútum fyrir leikslok.

Úrslit og markaskorarar í Meistaradeildinni í kvöld:

E-riðill

Steaua Búkarest - Chelsea 0-4

0-1 Ramires (19.), 0-2 Sjálfsmark (44.), 0-3 Ramires (55.), 0-4 Frank Lampard (90.)

Basel - Schalke 04 0-1

0-1 Julian Draxler (54.)

F-riðill

Arsenal - Napoli  2-0

1-0 Mesut Özil (8.), 2-0 Olivier Giroud (15.)

Borussia Dortmund - Marseille 3-0

1-0 Robert Lewandowski (19.), 2-0 Marco Reus (52.), 3-0 Robert Lewandowski (79.)



G-riðill

Zenit St. Petersburg - Austria Vín 0-0

Porto - Atlético Madrid 1-2

1-0 Jackson Martínez (16.), 1-1 Diego Godín (58.), 1-2 Arda Turan (86.)



H-riðill

Celtic - Barcelona 0-1

0-1 Cesc Fàbregas (76.)

Ajax - Milan 1-1

1-0 Stefano Denswil (90.), 1-1 Mario Balotelli (90.+4)