Handtekinn eftir að hafa slegist við kærustuna

Helgin var ansi skrautleg hjá Ty Lawson, bakverði Denver Nuggets, því hann lenti í slagsmálum við kærustuna sína.

Bæði voru þau handtekin og ákærð. Bæði eru þó laus í dag og bíða eftir að mál þeirra verði tekið fyrir.

Hinn 25 ára gamli Lawson skoraði 16,7 stig, gaf 6,9 stoðsendingar og stal 1,5 boltum að meðaltali í leik í NBA-deildinni síðasta vetur. Hann er tíundi á lista yfir bestu leikstjórnendur deildarinnar.

Félag hans segist vita af málinu en má ekki tjá sig þar sem málið er enn í ferli.