Ólympíumeistari fær ekki einu sinni skóstyrk Kolbeinn Tumi Daðason skrifar 23. júlí 2013 17:30 Greg Rutherford fagnar gulli sínu í London síðastliðið sumar. Nordicphotos/Getty Greg Rutherford, Ólympíumeistari karla í langstökki, hefur ekki átt sjö dagana sæla síðan hann landaði gullinu á heimavelli í London síðastliðið sumar. Á 46 mínútum upplifðu breskir íþróttaunnendur magnaða stund á Ólympíuleikvanginum í London síðastliðið sumar. Jessica Ennis stóðst pressuna í sjöþrautinni, Mo Farah kláraði 10 þúsund metra hlaupið og Rutherford vann nokkuð óvænt gull í langstökkinu. Á árinu sem nú er liðið frá kvöldinu ógleymanlega í augum Breta hafa Ennis og Farah verið stöðugt í kastljósi fjölmiðlana. Styrktaraðilar hafa barist um þau og er verðmæti styrktarsamninga þeirra talið nema 500-600 milljónum króna á mann.Verðlaunahafarnir þrír í langstökki á síðustu Ólympíuleikum.Nordicphotos/GettyLífið hefur verið öðruvísi hjá Rutherford. Englendingnum hefur ekkert gengið að afla sér styrkja á einu eða öðru formi. Raunar missti hann sinn aðalstyrktaraðila. Íþróttavöruframleiðandinn Nike, sem framleiðir skóna sem Rutherford keppir í, hefur slitið samningi sínum við íþróttakappinn. „Ég held að vandamálið sé að Bretar unnu til 29 gullverðlaunahafa í London að frátöldum verðlaunahöfunum á Ólympíumóti fatlaðra auk þess sem fjárhagskreppan stendur enn yfir," segir Rutherford í ítarlegu viðtali við Guardian. Langstökkskeppnin hefur löngum verið eitt helsta aðdráttaraflið á Ólympíuleikunum. Því virðist með ólíkindum að Nike vilji ekki einu sinni styrkja gullverðlaunahafann í greininni. Rutherford segist reyna að taka því ekki persónulega að hvorki Nike né nokkur annar vilji styðja sig. „Þetta eru viðskipti," segir Rutherford sem reynir að ná samkomulagi við Nike þessa dagana. „Ég stekk í skóm frá þeim og fætur mínir eru vanir þeim. Það voru vonbrigði en hefur einnig breytt viðhorfi mínu. Nú ætla ég að sjá um þetta sjálfur," segir Rutherford sem er að opna fatalínuna GRavity. Upphafsstafirnir eru stórir því þeir vísa í upphafsstafi stökkvarans sem reynir að hafa betur í baráttu við þyngdaraflið.Rutherford fagnar gulli sínu á götum Lundúna.Nordicphotos/Getty„Fyrirtækið er gríðarleg fjárfesting fyrir mig og ég er að taka mikla áhættu. En það er líka gott að geta einbeitt sér að einhverju utan frjálsíþróttavallarins." Rutherford hefur verið þjakaður af meiðslum stóran hluta síns ferils og hið sama er uppi á teningnum núna. Hann missir af frjálsíþróttamóti í London um helgina af þeim sökum en reynir hvað hann getur að verða klár fyrir heimsmeistaramótið í Moskvu í ágúst. Rutherford er lærður kaffiþjónn en vonast þó til þess að þurfa ekki að snúa sér að starfinu á næstunni. „Ég verð 29 ára árið 2016 (þegar Ólympíuleikarnir í Ríó fara fram). Margir frábærir stökkvarar hafa stokkið fram undir fertugt," segir Rutherford og nefnir Dwight Phillips sem dæmi. Hann hafi verið nærri 34 ára afmælisdegi sínum þegar hann kom, sá og sigraði á HM í Daegu árið 2011. Phillips hafi einnig misst styrktaraðila í kjölfar Ólympíugulls árið 2004 en snúið sterkari til leiks. „Ég vonast til þess að leika það eftir." Frjálsar íþróttir Mest lesið Segir nýju mennina hjá Liverpool ekkert hafa getað Enski boltinn Sigur í hjarta Muay Thai íþróttarinnar opnar margar dyr Sport Fékk yfir sig vatnsgusu: „Fagna þessu á Gus Gus á morgun“ Íslenski boltinn „Við grípum augnablikið og gerum það mjög vel“ Körfubolti Sjáðu mörkin sem tryggðu Blikum titilinn Íslenski boltinn Dagskráin í dag: Fallslagur í Vesturbænum og enski í algleymingi Sport Semenyo í stuði og Bournemouth upp í annað sætið Enski boltinn Uppgjörið: Breiðablik 3-2 Víkingur | Breiðablik Íslandsmeistari 2025 Íslenski boltinn Sláandi xG tölfræði hjá Manchester United Enski boltinn Uppgjörið: Grindavík - Njarðvík 109-96 | Grindvíkingar unnu í heimkomunni Körfubolti Fleiri fréttir Dagskráin í dag: Fallslagur í Vesturbænum og enski í algleymingi Segir nýju mennina hjá Liverpool ekkert hafa getað Sjáðu mörkin sem tryggðu Blikum titilinn „Við grípum augnablikið og gerum það mjög vel“ Sigur í hjarta Muay Thai íþróttarinnar opnar margar dyr Fékk yfir sig vatnsgusu: „Fagna þessu á Gus Gus á morgun“ Uppgjörið: Grindavík - Njarðvík 109-96 | Grindvíkingar unnu í heimkomunni Semenyo í stuði og Bournemouth upp í annað sætið „Verðum nú að fagna þessu aðeins“ Ísak og félagar upp í fjórða sætið og endurkoma hjá Brynjólfi Uppgjörið: Breiðablik 3-2 Víkingur | Breiðablik Íslandsmeistari 2025 Hringt í flesta eigendur í Formúlu 1 eftir brottreksturinn frá Red Bull Diljá lagði upp í níu marka sigri Martin með nítján stig í fyrsta leik Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United Stólarnir fastir í München De Assis með fjórða íslenska liðinu á fjórum árum „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Börnin mikilvægari en NFL Bjóða upp á Frank Booker-árskort Semenya hættir baráttu sinni Afar ólík viðbrögð hjá Hlyni Bærings og Benna Gumm eftir byrjun þáttarins Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Komin fimm mánuði á leið en stendur á höndum eins og ekkert sé Stjörnuleikmaður Liverpool missir af mörgum stórleikjum Sjá meira
Greg Rutherford, Ólympíumeistari karla í langstökki, hefur ekki átt sjö dagana sæla síðan hann landaði gullinu á heimavelli í London síðastliðið sumar. Á 46 mínútum upplifðu breskir íþróttaunnendur magnaða stund á Ólympíuleikvanginum í London síðastliðið sumar. Jessica Ennis stóðst pressuna í sjöþrautinni, Mo Farah kláraði 10 þúsund metra hlaupið og Rutherford vann nokkuð óvænt gull í langstökkinu. Á árinu sem nú er liðið frá kvöldinu ógleymanlega í augum Breta hafa Ennis og Farah verið stöðugt í kastljósi fjölmiðlana. Styrktaraðilar hafa barist um þau og er verðmæti styrktarsamninga þeirra talið nema 500-600 milljónum króna á mann.Verðlaunahafarnir þrír í langstökki á síðustu Ólympíuleikum.Nordicphotos/GettyLífið hefur verið öðruvísi hjá Rutherford. Englendingnum hefur ekkert gengið að afla sér styrkja á einu eða öðru formi. Raunar missti hann sinn aðalstyrktaraðila. Íþróttavöruframleiðandinn Nike, sem framleiðir skóna sem Rutherford keppir í, hefur slitið samningi sínum við íþróttakappinn. „Ég held að vandamálið sé að Bretar unnu til 29 gullverðlaunahafa í London að frátöldum verðlaunahöfunum á Ólympíumóti fatlaðra auk þess sem fjárhagskreppan stendur enn yfir," segir Rutherford í ítarlegu viðtali við Guardian. Langstökkskeppnin hefur löngum verið eitt helsta aðdráttaraflið á Ólympíuleikunum. Því virðist með ólíkindum að Nike vilji ekki einu sinni styrkja gullverðlaunahafann í greininni. Rutherford segist reyna að taka því ekki persónulega að hvorki Nike né nokkur annar vilji styðja sig. „Þetta eru viðskipti," segir Rutherford sem reynir að ná samkomulagi við Nike þessa dagana. „Ég stekk í skóm frá þeim og fætur mínir eru vanir þeim. Það voru vonbrigði en hefur einnig breytt viðhorfi mínu. Nú ætla ég að sjá um þetta sjálfur," segir Rutherford sem er að opna fatalínuna GRavity. Upphafsstafirnir eru stórir því þeir vísa í upphafsstafi stökkvarans sem reynir að hafa betur í baráttu við þyngdaraflið.Rutherford fagnar gulli sínu á götum Lundúna.Nordicphotos/Getty„Fyrirtækið er gríðarleg fjárfesting fyrir mig og ég er að taka mikla áhættu. En það er líka gott að geta einbeitt sér að einhverju utan frjálsíþróttavallarins." Rutherford hefur verið þjakaður af meiðslum stóran hluta síns ferils og hið sama er uppi á teningnum núna. Hann missir af frjálsíþróttamóti í London um helgina af þeim sökum en reynir hvað hann getur að verða klár fyrir heimsmeistaramótið í Moskvu í ágúst. Rutherford er lærður kaffiþjónn en vonast þó til þess að þurfa ekki að snúa sér að starfinu á næstunni. „Ég verð 29 ára árið 2016 (þegar Ólympíuleikarnir í Ríó fara fram). Margir frábærir stökkvarar hafa stokkið fram undir fertugt," segir Rutherford og nefnir Dwight Phillips sem dæmi. Hann hafi verið nærri 34 ára afmælisdegi sínum þegar hann kom, sá og sigraði á HM í Daegu árið 2011. Phillips hafi einnig misst styrktaraðila í kjölfar Ólympíugulls árið 2004 en snúið sterkari til leiks. „Ég vonast til þess að leika það eftir."
Frjálsar íþróttir Mest lesið Segir nýju mennina hjá Liverpool ekkert hafa getað Enski boltinn Sigur í hjarta Muay Thai íþróttarinnar opnar margar dyr Sport Fékk yfir sig vatnsgusu: „Fagna þessu á Gus Gus á morgun“ Íslenski boltinn „Við grípum augnablikið og gerum það mjög vel“ Körfubolti Sjáðu mörkin sem tryggðu Blikum titilinn Íslenski boltinn Dagskráin í dag: Fallslagur í Vesturbænum og enski í algleymingi Sport Semenyo í stuði og Bournemouth upp í annað sætið Enski boltinn Uppgjörið: Breiðablik 3-2 Víkingur | Breiðablik Íslandsmeistari 2025 Íslenski boltinn Sláandi xG tölfræði hjá Manchester United Enski boltinn Uppgjörið: Grindavík - Njarðvík 109-96 | Grindvíkingar unnu í heimkomunni Körfubolti Fleiri fréttir Dagskráin í dag: Fallslagur í Vesturbænum og enski í algleymingi Segir nýju mennina hjá Liverpool ekkert hafa getað Sjáðu mörkin sem tryggðu Blikum titilinn „Við grípum augnablikið og gerum það mjög vel“ Sigur í hjarta Muay Thai íþróttarinnar opnar margar dyr Fékk yfir sig vatnsgusu: „Fagna þessu á Gus Gus á morgun“ Uppgjörið: Grindavík - Njarðvík 109-96 | Grindvíkingar unnu í heimkomunni Semenyo í stuði og Bournemouth upp í annað sætið „Verðum nú að fagna þessu aðeins“ Ísak og félagar upp í fjórða sætið og endurkoma hjá Brynjólfi Uppgjörið: Breiðablik 3-2 Víkingur | Breiðablik Íslandsmeistari 2025 Hringt í flesta eigendur í Formúlu 1 eftir brottreksturinn frá Red Bull Diljá lagði upp í níu marka sigri Martin með nítján stig í fyrsta leik Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United Stólarnir fastir í München De Assis með fjórða íslenska liðinu á fjórum árum „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Börnin mikilvægari en NFL Bjóða upp á Frank Booker-árskort Semenya hættir baráttu sinni Afar ólík viðbrögð hjá Hlyni Bærings og Benna Gumm eftir byrjun þáttarins Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Komin fimm mánuði á leið en stendur á höndum eins og ekkert sé Stjörnuleikmaður Liverpool missir af mörgum stórleikjum Sjá meira