Frábær sigur á Svíum

Íslenska kvennalandsliðið í handknattleik vann glæstan sigur á sterku liði Svía í dag er liðin mættust í Austurbergi. Þetta var fyrri vináttulandsleikur þjóðanna um helgina.

Jafnt var á með liðunum allan fyrri hálfleikinn en Svíar leiddu með einu marki í hálfleik, 12-13. Íslensku stelpurnar stigu aftur á móti upp í síðari hálfleik og tryggði sér sætan sigurm 25-24.

Ramune Pekarskyte var atkvæðamest í liði Íslands með sex mörk. Rakel Dögg Bragadóttir, Rut Jónsdóttir, Hanna G. Stefánsdóttir og Stella Sigurðardóttir skoruðu allar þrjú mörk.

Florentina Stanciu lék sinn fyrsta landsleik fyrir Ísland í dag en hún er nýbúin að fá íslenskan ríkisborgararétt.