Magic: Jordan myndi alltaf vinna Lebron 1 á 1

Lebron James, leikmaður með Miami Heat í NBA-deildinni í körfubolta, verður alltaf borinn saman við goðið sitt Michael Jordan og aldrei meira en þegar James er í stuði eins og í undanförnum sex leikjum.

James er með 30 stig og meira í öllum síðustu sex leikjum jafnframt því að hitti betur en 60 prósent úr öllum skotum sínum.

Earvin "Magic" Johnson fær margar spurningar inn á twitter-síðu sína og hann var í engum vafa um að svara því hver myndi vinna ef Lebron og Michael Jordan mættust í einn á einn.

„Ef MJ og Lebron spiluðu tíu leiki 1 á 1 þá myndi MJ vinna alla tíu leikina. Hann er hinn fullkomni 1 á 1 leikmaður," skrifaði Magic á twitter-síðu sína.

Magic bætti samt fljótlega við: „Ég elska samt Lebron. Hann er fjölhæfasti leikmaðurinn sem við höfðum í NBA-deildinni í dag."