Tækifæri í hjólaferðamennsku á Íslandi, fyrir alla um allt land, alls staðar; umhverfisvæn og sjálfbær 24. febrúar 2012 06:00 Nú er lag að hefja merkingu hjólaleiða á Íslandi. Bæði samræmist það stefnu opinberra yfirvalda um grænar áherslur til framtíðar og fellur vel að eflingu ferðaþjónustu á Íslandi. Hjólreiðaferðamenn skilja meira fé eftir á ferðum sínum en þeir sem ferðast fyrir innfluttri olíu á bílum eða öðrum vélknúnum ökutækjum. Í hinum vestræna heimi kyrrsetunnar eru fríin gjarna notuð til að tengjast náttúrunni og virkja eigin orku. Í Evrópu hefur orðið til öflugt net hjólaleiða, Euro-Velo, sem nær nú til allra stærstu landa álfunnar – nema Íslands og Færeyja. Það er mikill áhugi fyrir því í Evrópu hjá ECF – European Cyclist Federation að sjá Ísland með á Evrópukortinu. Daninn Jens Erik Larssen hefur nýlokið skýrslu vegna EuroVelo leiðar um Möltu. Hann hefur áralanga reynslu að málefnum hjólaferðamennsku og verður einn aðal fyrirlesari málþingsins Tækifæri í hjólaferðamennsku á Íslandi 24. febrúar 2012. Á Íslandi hefur hjólatengdri ferðaþjónustu lítið verið sinnt. Fyrir tveimur árum kom breskur hjólaferðamálasérfræðingur með erindi á fund Íslandsstofu; Tom Burnham og sagði frá hjólaleiðinni Coast to coast og hvernig uppbygging dreifðrar byggðar í kringum leiðina hefði þróast ánægjulega við merkingu hennar. Síðan þá hefur hann stutt áfram hjólatengd verkefni á Íslandi og verður einnig með erindi á málþinginu. Í mörg ár hafa fjölmargir vegfarendur lagt leið sína um landið á hjólum. Engir ferðalangar njóta jafn mikillar virðingar í mínum huga og þeir sem ferðast þannig um landið. Og við vitum svo sáralítið um þá. Sigrún Kapitóla í námi við ferðamáladeildina í Háskólanum á Hólum, hefur rannsakað hverjir þetta eru. Hennar niðurstöður segja okkur að þetta séu vel menntaðir og ágætlega efnaðir ferðamenn sem njóta náttúrunnar og samveru vina sinna með því að ferðast á þennan umhverfisvæna hátt um landið. Þetta eru ferðamenn sem öllu jafna stoppa lengur en aðrir og eru dyggir kaupendur í nærsamfélaginu sem þeir ferðast um. Þeir eru sammála um að þó víða sé gaman að uppgötva hvað Ísland er frábært hjólaland þá er margt til að bæta, laga og kynna hérlendis og erlendis. Til dæmis þarf að bæta hjólaleiðir til og frá Reykjavík. Merkingum utan Reykjavíkur er ábótavant, viðgerðaþjónusta við hjól sömuleiðis og helst vildu menn hjóla í nágrenni við þjóðveg nr. 1 en ekki á honum. Sigrún Kapitóla mun kynna niðurstöður sínar betur á þinginu. Fjölmargir aðrir áhugaverðir fyrirlestrar og málstofa verða á þinginu og þátttaka öllum opin. Hjólaleiðir á Íslandi er samvinnuverkefni fjölmargra aðila sem á einn eða annan hátt vilja koma að uppbyggingu og skipulagi hjólaleiða á Íslandi. Málþingið er fyrsti formlegi þátturinn í starfi verkefnisins. Markmið þess er að skipuleggja og byggja upp heildrænt hjólaleiðanet um Ísland, með upplýsingum um þjónustu við hjólreiðamenn. Um er að ræða: 1. Skilgreina landsnet hjólaleiða. Kortlagningu á einni stofnleið sem hægt verður að koma inn í Evrópska hljólanetið Euro Velo og kortlagningu á auka leiðum innan svæða/sveitarfélaga eða "loops". 2. Heildræna og samræmda merkingu hjólaleiða á Íslandi. Með kortlagningu hjólaleiða á Íslandi er verið að koma til móts við aukna hjólreiðanotkun Íslendinga og um leið byggja upp sterkari þjónustu við hjólreiðaferðamennsku á Íslandi. HAGSMUNAAÐILAR Þeir aðilar sem koma að þessu verkefni á einn eða annan hátt eru aðilar eins og Ferðamálastofa, Landsamtök hjólreiðamanna, Íslandsstofa, Vegagerðin, einkaaðilar, ferðaþjónustuaðilar, Hjólafærni á Íslandi, Vatnajökulsþjóðgarður, VSÓ, Samband íslenskra sveitarfélaga, EFLA og markaðsstofur um allt land. VERKEFNI FRAMUNDAN Verkefnið Hjólaleiðir á Íslandi skiptist í þrjá áfanga til þriggja ára. Verkefnaskipting áfanga er á þessa leið: Áfangi 1 1. Málþing um verkefnið um miðjan febrúar 2012. 2. Skilgreina hvaða kröfur hjólaleiðir þurfa að uppfylla. 3. Tengingu hjólaleiða á Íslandi við evrópska hjólanetið Euro Velo. - verklok í fyrsta lagi 2015. 4. Skilgreina landsnet hjólaleiða. 5. Rýni og þarfagreining á móttöku hjólandi ferðamanna til landsins. 6. Skilgreining, söfnun og framsetning á þjónustuaðilum, sem geta mætt þörfum hjólandi og uppbygging gagnagrunns því tengdu. Áfangi 2 - Unnið árið 2013 7. Kynning og framsetning landsnets hjólaleiða, upplýsingar til ferðamanna. 8. Kynning á sérstöðu hjólandi í umferðinni á Íslandi. 9. Gerð leiðbeininga fyrir aðila í ferðaþjónustu um allt land til að þeir geti óskað vottunar á að vera viðurkenndir hjólaþjónustuaðilar samanber verkefni sem unnin hafa verið annars staðar í Evrópu með góðum árangri (Bett und Bike frá Þýskalandi og Bicycle friendly í Bretlandi). 10. Áætlun um kynningu á íslenskri hjólaferðaþjónustu unnin og reynt að meta eftirspurnina eftir efldri hjólaþjónustu um landið. Áfangi 3 - Unnið árið 2014 11. Merking hjólaleiða. Í undirbúningsvinnu verkefnisins hefur verið frábært að finna hvað margir eru tilbúnir að koma að framvindu þess. Verkefnastjórn hefur tekið til starfa og tengslanet hefur þegar myndast um allt land sem og víða um álfu Evrópu. Þetta er framtíðarverkefni sem sannarlega er tímabært að hefja vinnu við á Íslandi. Við bjóðum áhugasama velkomna á málþingið Tækifæri í hjólaferðamennsku á Íslandi 24. febrúar 2012 í sal Eflu, Höfðabakka 9. Skráning og dagskrárkynning er á heimasíðu Landssamtaka hjólreiðamanna www.lhm.is. Ráðstefnan er einnig send út á Netinu og erindi hennar verða áfram aðgengileg á vef Landssamtaka hjólreiðamanna. Viltu birta grein á Vísi? Sendu okkur póst. Senda grein Skoðanir Mest lesið Halldór 23.8.2025 Halldór Heildstætt heilbrigðiskerfi – hagur okkar allra Alma D. Möller Skoðun Vanþekking eða vísvitandi blekkingar? Hjörtur J. Guðmundsson Skoðun „I believe the children are our future…“ Karen Rúnarsdóttir Skoðun Andaðu rólega elskan... Ester Hilmarsdóttir Skoðun Er Akureyri að missa háskólann sinn? Aðalbjörn Jóhannsson Skoðun Skólaskætingur Þórdís Kolbrún R. Gylfadóttir Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson Skoðun Skoðun Skoðun Heildstætt heilbrigðiskerfi – hagur okkar allra Alma D. Möller skrifar Skoðun Vanþekking eða vísvitandi blekkingar? Hjörtur J. Guðmundsson skrifar Skoðun „I believe the children are our future…“ Karen Rúnarsdóttir skrifar Skoðun Mikilvægi félagasamtaka og magnað maraþon Þuríður Harpa Sigurðardóttir skrifar Skoðun Allt sem ég þarf að gera Dagbjartur Kristjánsson skrifar Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson skrifar Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar Skoðun Notkun ökklabanda Guðmundur Ingi Þóroddsson skrifar Skoðun Skólaskætingur Þórdís Kolbrún R. Gylfadóttir skrifar Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar Skoðun Ný sókn í menntamálum Guðmundur Ari Sigurjónsson skrifar Skoðun Þjóðarmorð, fálmandi mjálm eða aðgerðir? Viðar Hreinsson skrifar Skoðun Vin í eyðimörkinni – almenningsbókasöfn borgarinnar Sanna Magdalena Mörtudóttir skrifar Skoðun Er Akureyri að missa háskólann sinn? Aðalbjörn Jóhannsson skrifar Skoðun Tíu staðreyndir um alvarlegustu kvenréttindakrísu heims Stella Samúelsdóttir skrifar Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir skrifar Skoðun Mestu aularnir í Vetrarbrautinni Kári Helgason skrifar Skoðun Fjárfestum í fyrsta bekk, frekar en fangelsum Hjördís Eva Þórðardóttir skrifar Skoðun Eftirlíking vitundar og hætturnar sem henni fylgja Þorsteinn Siglaugsson skrifar Skoðun Andaðu rólega elskan... Ester Hilmarsdóttir skrifar Skoðun Gagnvirkni líkama og vitundar til heilbrigðis Þórdís Hólm Filipsdóttir skrifar Skoðun Nýjar lausnir í kennslu – gamlar hindranir Bogi Ragnarsson skrifar Skoðun Kópavogsleiðinn Ragnar Þór Pétursson skrifar Skoðun Samstarf sem skilar raunverulegum loftslagsaðgerðum Nótt Thorberg skrifar Skoðun Lærum að lesa og reikna Jón Pétur Zimsen skrifar Skoðun Loforðið sem borgarstjóri gleymdi Magnea Gná Jóhannsdóttir skrifar Skoðun Kristrún, það er bannað að plata Snorri Másson skrifar Skoðun Öndunaræfingar í boði SFS Vala Árnadóttir skrifar Sjá meira
Nú er lag að hefja merkingu hjólaleiða á Íslandi. Bæði samræmist það stefnu opinberra yfirvalda um grænar áherslur til framtíðar og fellur vel að eflingu ferðaþjónustu á Íslandi. Hjólreiðaferðamenn skilja meira fé eftir á ferðum sínum en þeir sem ferðast fyrir innfluttri olíu á bílum eða öðrum vélknúnum ökutækjum. Í hinum vestræna heimi kyrrsetunnar eru fríin gjarna notuð til að tengjast náttúrunni og virkja eigin orku. Í Evrópu hefur orðið til öflugt net hjólaleiða, Euro-Velo, sem nær nú til allra stærstu landa álfunnar – nema Íslands og Færeyja. Það er mikill áhugi fyrir því í Evrópu hjá ECF – European Cyclist Federation að sjá Ísland með á Evrópukortinu. Daninn Jens Erik Larssen hefur nýlokið skýrslu vegna EuroVelo leiðar um Möltu. Hann hefur áralanga reynslu að málefnum hjólaferðamennsku og verður einn aðal fyrirlesari málþingsins Tækifæri í hjólaferðamennsku á Íslandi 24. febrúar 2012. Á Íslandi hefur hjólatengdri ferðaþjónustu lítið verið sinnt. Fyrir tveimur árum kom breskur hjólaferðamálasérfræðingur með erindi á fund Íslandsstofu; Tom Burnham og sagði frá hjólaleiðinni Coast to coast og hvernig uppbygging dreifðrar byggðar í kringum leiðina hefði þróast ánægjulega við merkingu hennar. Síðan þá hefur hann stutt áfram hjólatengd verkefni á Íslandi og verður einnig með erindi á málþinginu. Í mörg ár hafa fjölmargir vegfarendur lagt leið sína um landið á hjólum. Engir ferðalangar njóta jafn mikillar virðingar í mínum huga og þeir sem ferðast þannig um landið. Og við vitum svo sáralítið um þá. Sigrún Kapitóla í námi við ferðamáladeildina í Háskólanum á Hólum, hefur rannsakað hverjir þetta eru. Hennar niðurstöður segja okkur að þetta séu vel menntaðir og ágætlega efnaðir ferðamenn sem njóta náttúrunnar og samveru vina sinna með því að ferðast á þennan umhverfisvæna hátt um landið. Þetta eru ferðamenn sem öllu jafna stoppa lengur en aðrir og eru dyggir kaupendur í nærsamfélaginu sem þeir ferðast um. Þeir eru sammála um að þó víða sé gaman að uppgötva hvað Ísland er frábært hjólaland þá er margt til að bæta, laga og kynna hérlendis og erlendis. Til dæmis þarf að bæta hjólaleiðir til og frá Reykjavík. Merkingum utan Reykjavíkur er ábótavant, viðgerðaþjónusta við hjól sömuleiðis og helst vildu menn hjóla í nágrenni við þjóðveg nr. 1 en ekki á honum. Sigrún Kapitóla mun kynna niðurstöður sínar betur á þinginu. Fjölmargir aðrir áhugaverðir fyrirlestrar og málstofa verða á þinginu og þátttaka öllum opin. Hjólaleiðir á Íslandi er samvinnuverkefni fjölmargra aðila sem á einn eða annan hátt vilja koma að uppbyggingu og skipulagi hjólaleiða á Íslandi. Málþingið er fyrsti formlegi þátturinn í starfi verkefnisins. Markmið þess er að skipuleggja og byggja upp heildrænt hjólaleiðanet um Ísland, með upplýsingum um þjónustu við hjólreiðamenn. Um er að ræða: 1. Skilgreina landsnet hjólaleiða. Kortlagningu á einni stofnleið sem hægt verður að koma inn í Evrópska hljólanetið Euro Velo og kortlagningu á auka leiðum innan svæða/sveitarfélaga eða "loops". 2. Heildræna og samræmda merkingu hjólaleiða á Íslandi. Með kortlagningu hjólaleiða á Íslandi er verið að koma til móts við aukna hjólreiðanotkun Íslendinga og um leið byggja upp sterkari þjónustu við hjólreiðaferðamennsku á Íslandi. HAGSMUNAAÐILAR Þeir aðilar sem koma að þessu verkefni á einn eða annan hátt eru aðilar eins og Ferðamálastofa, Landsamtök hjólreiðamanna, Íslandsstofa, Vegagerðin, einkaaðilar, ferðaþjónustuaðilar, Hjólafærni á Íslandi, Vatnajökulsþjóðgarður, VSÓ, Samband íslenskra sveitarfélaga, EFLA og markaðsstofur um allt land. VERKEFNI FRAMUNDAN Verkefnið Hjólaleiðir á Íslandi skiptist í þrjá áfanga til þriggja ára. Verkefnaskipting áfanga er á þessa leið: Áfangi 1 1. Málþing um verkefnið um miðjan febrúar 2012. 2. Skilgreina hvaða kröfur hjólaleiðir þurfa að uppfylla. 3. Tengingu hjólaleiða á Íslandi við evrópska hjólanetið Euro Velo. - verklok í fyrsta lagi 2015. 4. Skilgreina landsnet hjólaleiða. 5. Rýni og þarfagreining á móttöku hjólandi ferðamanna til landsins. 6. Skilgreining, söfnun og framsetning á þjónustuaðilum, sem geta mætt þörfum hjólandi og uppbygging gagnagrunns því tengdu. Áfangi 2 - Unnið árið 2013 7. Kynning og framsetning landsnets hjólaleiða, upplýsingar til ferðamanna. 8. Kynning á sérstöðu hjólandi í umferðinni á Íslandi. 9. Gerð leiðbeininga fyrir aðila í ferðaþjónustu um allt land til að þeir geti óskað vottunar á að vera viðurkenndir hjólaþjónustuaðilar samanber verkefni sem unnin hafa verið annars staðar í Evrópu með góðum árangri (Bett und Bike frá Þýskalandi og Bicycle friendly í Bretlandi). 10. Áætlun um kynningu á íslenskri hjólaferðaþjónustu unnin og reynt að meta eftirspurnina eftir efldri hjólaþjónustu um landið. Áfangi 3 - Unnið árið 2014 11. Merking hjólaleiða. Í undirbúningsvinnu verkefnisins hefur verið frábært að finna hvað margir eru tilbúnir að koma að framvindu þess. Verkefnastjórn hefur tekið til starfa og tengslanet hefur þegar myndast um allt land sem og víða um álfu Evrópu. Þetta er framtíðarverkefni sem sannarlega er tímabært að hefja vinnu við á Íslandi. Við bjóðum áhugasama velkomna á málþingið Tækifæri í hjólaferðamennsku á Íslandi 24. febrúar 2012 í sal Eflu, Höfðabakka 9. Skráning og dagskrárkynning er á heimasíðu Landssamtaka hjólreiðamanna www.lhm.is. Ráðstefnan er einnig send út á Netinu og erindi hennar verða áfram aðgengileg á vef Landssamtaka hjólreiðamanna.
Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar
Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar
Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar
Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar