Sóknin sneri aftur í sigri Lakers

Los Angeles Lakers vann fínan sigur á Denver Nuggets í NBA-körfuboltanum í nótt. Dwight Howard skoraði 28 stig í 122-103 sigri í Steples Center í nótt.

Howard var þó ekki stigahæstur því Antawn Jamison kom af bekknum og átti stórleik. Jamison skoraði 33 stig og hirti 12 fráköst.

Lakers skoraði aðeins 77 stig í síðasta heimaleik sínum þegar liðið lá heima gegn Indiana Pacers. Stigaskor liðsins hefur aldrei verið lægra á leiktíðinni en sóknarleikur liðsins í nótt var öllu betri.

Lakers hefur nú unnið átta leiki og tapað jafnmörgum. Nuggets hefur einnig unnið átta leiki en tapað níu.

Úrslit í öðrum leikjum í nótt:

Toronto 101-97 Phoenix

Charlotte 98-104 Philadelphia

Orlando 86-98 Brooklyn

Boston 96-78 Portland

New York 108-87 Washington

Atlanta 111-113 Cleveland

Memphis 90-78 Detroit

Oklahoma 106-94 Utah

Minnesota 95-85 Milwaukee

Sacramento 92-97 Indiana