NBA í nótt: Miami tapaði gegn slakasta liðinu - Lakers tapaði á ný

Washington Wizards, er slakasta liðið í NBA deildinni í körfuknattleik en þrátt fyrir þá staðreynd náði liðið að leggja meistaralið Miami Heat að velli í nótt, 105-101. Þetta var aðeins annar sigurleikur Washington í vetur. Taphrina LA Lakers heldur áfram en liðið tapaði 107-105 gegn Houston á útivelli þar sem að Kobe Bryan skoraði 39 stig.

LeBron James var með 26 stig, 13 fráköst og 11 stoðsendingar fyrir Miami Heat. Jordan Crawford var stigahæstur í liði Washington með 22 stig – þar af tvö vítaskot á síðustu 11 sekúndum leikins. James reyndi að jafna metin með þriggja stiga skoti sem geigaði 3,9 sek. fyrir leikslok.

Washington hafði fyrir leikinn aðeins unnið einn leik eftir að hafa tapað fyrstu 12 leikjunum á tímabilinu. Heat er með 12 sigra og 4 tapleiki. Dwane Wade skoraði 24 stig fyrir Miamei, Chris Bosh bætti við 20 stigum fyrir meistaraliðið og tók að auki 12 fráköst.

Brooklyn – Oklahoma 111-117

Kevin Durant scored skoraði 32 stig fyrir Oklahoma, og Russell Westbrook skoraði 25 fyrir gestina og gaf 9 stoðsendingar í sjötta sigurleik Oklahoma í röð. Oklahoma hefur skorað yfir 100 stig í 10 leikjum í röð og það hefur ekkert lið gert í 15 ár í NBA deildinni.

Deron Williams skoraði 34 stig fyrir heimamenn – sem er met hjá honum á tímabilinu.

Houston – LA Lakers 107-105

Toney Douglas skoraði 22 stig fyrir Houston og Greg Smith skoraði 21 stig sem er persónulegt met hjá honum. Lakers var með 13 stiga forskot þegar 10 mínútur voru eftir af leiknum. Kobe Bryant skoraði 39 stig fyrir Lakers en hann skoraði þriggja stiga körfu þegar 13 sekúndur voru eftir og minnkaði muninn í 106-105. Douglas svaraði með því að skora úr einu vítaskoti þegar 9 sekúndur voru eftir. Bryant tók þriggja stiga skot rétt fyrir leiksloka sem hann hitti ekki úr – Metta World Peace náði frákastinu en hann hitti ekki úr síðasta skoti leiksins.

Dwight Howard skoraði 16 stig og tók 12 fráköst fyrir Lakers sem var án Pau Gasol og Steve Nash.

Chicago – Indiana 76-80

Paul George skoraði 34 stig fyrir Indiana og Roy Hibbert skoraði 10 stig og tók 11 fráköst fyrir Indiana Þetta var þriðji tapleikur Chicago í röð.

Memphis – Phoenix 108-98

Zach Randolph fór á kostum í liði Memphis þar sem hann skoraði 38 stig og tók 22 fráköst.

Minnesota – Philadelphia 88-105