Mexes: Svona mark skorar þú bara einu sinni á ferlinum

Frakkinn Philippe Mexes skoraði stórkostlegt fyrir AC Milan í gær þegar liðið vann 3-1 sigur á Meistaradeildinni. Markið hans er að margra mati það flottasta sem hefur verið skorað í Meistaradeildinni á þessari leiktíð.

Mexes er varnarmaður en sýndi þarna takta sem hvaða sóknarmaður sem er gæti verið mjög stoltur af. Hann tók þá við háum bolta á kassann og skoraði með hjólahestaspyrnu fyrir utan teig.

„Ég vissi ekki hvað ég ætlaði að gera áður en boltinn kom til mín. Eftir að ég tók við boltann á kassann þá var bara það eina í stöðunni að láta vaða," sagði Philippe Mexes við heimasíðu UEFA.

„Sem betur fer þá gekk þetta upp hjá mér. Ég hef skorað nokkur falleg mörk með Roma en ekkert þeirra stenst samanburðinn við þetta mark. Svona mark skorar þú bara einu sinni á ferlinum ekki síst þegar þú ert varnarmaður. Þetta er minning sem ég mun varðveita," sagði Mexes en þetta var fyrsta markið hans á tímabilinu.

Það er hægt sjá markið með því að smella hér fyrir ofan.