Poulsen: Feginn að Silva spilar ekki

Ajax fær það erfiða verkefni í kvöld að taka á móti Man. City í Meistaradeildinni. Daninn Christian Poulsen, fyrrum leikmaður Liverpool og núverandi leikmaður Ajax, er feginn að David Silva skuli ekki spila með City í leiknum.

"Það eru margir heimsklassaleikmenn hjá City en að mínu mati er Silva þeirra lykilmaður. Það er því gott að vera laus við hann," sagði Poulsen en Silva getur ekki spilað vegna meiðsla.

"Aguero og Toure munu koma með mikil gæði á völlinn. Toure er einstakur leikmaður og hrikalega sterkur. Þetta verður afar erfiður leikur."

Leikurinn hefst klukkan 18.45 og verður í beinni útsendingu á Stöð 2 Sport 4.