Aron búinn að velja fyrsta hópinn - Arnór og Björgvin ekki með

Aron Kristjánsson landsliðsþjálfari hefur valið sinn fyrsta landsliðshóp en hann hefur valið 19 leikmenn til undirbúnings og keppni fyrir undankeppni EM sem hefst í næstu viku. Ísland er þar í riðli ásamt Hvíta Rússlandi, Rúmeníu og Slóveníu og hefur liðið leik nk. miðvikudag.

Þá mætir liðið Hvíta Rússlandi kl.19.30 í Laugardalshöll en forsala á leikinn er hafin á www.midi.is. Sunnudaginn 4. Nóvember mætir liðið svo Rúmeníu á útivelli og hefst sá leikur kl.14.00 að íslenskum tíma og verður hann sýndur beint á RÚV.

Daníel Freyr Andrésson markvörður úr FH, Arnór Þór Gunnarsson, Stefán Rafn Sigurmannsson og Ólafur Gústafsson koma allir inn í hópinn sem og þeir Ólafur Andrés Guðmundsson, Aron Rafn Eðvarðsson og Þórir Ólafsson sem voru ekki með á Ólympíuleikunum.

Arnór Atlason gaf ekki kost á sér að þessu sinni vegna persónulegra ástæðna og þá er Björgvin Páll Gústavsson frá vegna veikinda.

Hópurinn er eftirfarandi:

Markmenn:

Aron Rafn Eðvarðsson, Haukar

Daníel Freyr Andrésson, FH

Hreiðar Leví Guðmundsson, Nötteröy

Aðrir leikmenn:

Alexander Petersson, Rhein-Necker Löwen

Arnór Þór Gunnarsson, Die Bergische handball club

Aron Pálmarsson, THW Kiel

Ásgeir Örn Hallgrímsson, Paris Handball

Guðjón Valur Sigurðsson, THW Kiel

Ingimundur Ingimundarson, ÍR

Kári Kristján Kristjánsson, HSG Wetzlar

Ólafur Andrés Guðmundsson, Kristianstad

Ólafur Gústafsson, FH

Ólafur Bjarki Ragnarsson, Emsdetten

Róbert Gunnarsson, Paris Handball

Snorri Steinn Guðjónsson, GOG

Stefán Rafn Sigurmannsson, Haukar

Sverre Andreas Jakobsson, TV Grosswallstadt

Vignir Svavarsson, TWD Minden

Þórir Ólafsson, KS Vive Targi Kielce