Fanndís og Sandra María verðlaunaðar

Fanndís Friðriksdóttir úr Breiðabliki og Sandra María Jessen í Þór/KA hlutu viðurkenningar Félags áhugafólks um kvennaknattspyrnu fyrir frammistöðu sína á tímablinu.

Fanndís var útnefnd besti leikmaður Pepsi-deildar kvenna og Sandra María bjartasta vonin. Þá fékk Morgunblaðið hvatningarverðlaun maímánaðar fyrir góða umfjöllun um kvennaknattspyrnu.

Þetta er í fyrsta skipti sem verðlaunin eru veitt en hugmyndin er að veita þau í hverjum mánuði. Heimasíða Félags áhugafólks um kvennaknattspyrnu er www.kvennafotbolti.is.