Lamar Odom hættur hjá Dallas

Núverandi NBA-meistaralið, Dallas Mavericks, varð í dag fyrir áfalli þegar tilkynnt var að Lamar Odom, leikmaður liðsins, myndi ekki spila meira með liðinu á tímabilinu.

Eigendur Dallas og Odom sjálfur ákváðu í sameiningu að hann myndi stíga í burtu frá liðinu. Liðið mun þó ekki losa sig við hann strax heldur reyna að selja eða skipta honum til annars liðs í lok tímabils.

Odom kom frá Los Angeles Lakers fyrir tímabilið en þar vann hann tvo meistaratitla ásamt því að vera valinn besti sjötti maður deildarinnar í fyrra.

Hann hefur ollið gríðarlegum vonbrigðum með Dallas í vetur en miklu var búist við af honum á leiktíðinni. Koma hans hefur einnig verið gríðarlegt bakslag fyrir Dallas enda var hann var fenginn til liðsins sem lykilmaður.

Dallas hafa verið í töluverðu basli í deildarkeppninni í vetur en liðið situr í sjöunda sæti Vesturdeildarinnar en efstu átta liðin komast í úrslitakeppni. Það verður því að teljast ólíklegt að Dallas takist að verja titilinn frá því í fyrra.