Pistons lagði Lakers í framlengingu

Rodney Stuckey fór á kostum í liði Detroit Pistons og skoraði 34 stig er liðið vann óvæntan sigur á LA Lakers í framlengdum leik. Kobe Bryant sendi leikinn í framlengingu með flautukörfu en átti annars frekar slakan dag. Sama verður ekki sagt um Andrew Bynum sem skoraði 30 stig og tók 14 fráköst.

Bekkurinn hjá Pistons hjálpaði mikið til við sigurinn en Pistons fékk 32 stig af bekknum en Lakers aðeins sjö.

Dirk Nowitzki var aðalmaðurinn í sigri Dallas á Knicks. Dallas með öruggt forskot í leiknum en Knicks kom til baka og náði forystu til skamms tíma. Þá tók Nowitzki völdin og kláraði leikinn.

Hann skoraði 28 stig og þar af 11 á lokamínútunum. Stoudemire skoraði 26 stig fyrir Knicks og Jeremy Lin skoraði 14 og gaf 7 stoðsendingar.

Úrslit:

Charlotte-Orlando  100-84

Indiana-Atlanta  96-101

Boston-Houston  97-92

Miami-NJ Nets  108-78

Detroit-LA Lakers  88-85

Dallas-NY Knicks  95-85