Flestir hefðu ekki getað keppt Óskar Ófeigur Jónsson skrifar 10. nóvember 2011 08:00 Ásdís Hjálmsdóttir er á fullu að byggja sig upp fyrir komandi tímabil þar sem hápunkturinn verða Ólympíuleikarnir í London. Fréttablaðið/Anton Spjótkastarinn Ásdís Hjálmsdóttir náði einu besta íþróttafreki ársins þegar hún lenti í þrettánda sæti á HM í frjálsum í Daegu í Suður-Kóreu í september síðastliðnum. Hún hefur aldrei kastað lengra á stórmóti og þessu náði hún þrátt fyrir að vera búin að keppa meidd í sex mánuði. Ásdís er nú laus við meiðslin, hefur hafið stífan undirbúning fyrir Ólympíuleikana í London og ætlar sér að kasta lengra en Íslandsmetið hennar er (61,37 metrar) á árinu 2012. „Fóturinn er orðinn góður og ég er bara að æfa á fullu. Ég er alveg á kafi og er að drepast úr harðsperrum. Ég byrjaði aftur í byrjun október og hef ekkert fundið fyrir í fætinum síðan ég byrjaði. Það er mjög jákvætt. Þetta lítur rosalega vel út allt saman," segir Ásdís, en hún er annað árið í röð á leiðinni í æfingabúðir hinum megin á hnettinum. Æfingabúðir í Suður-Afríku„Stefnan er að fara í æfingabúðir til Suður-Afríku í lok desember og byrjun janúar. Ég fór aðeins fyrr í fyrra en var þá komin heim fyrir áramótin. Það er betra fyrir okkur að fara aðeins seinna því þá er ég farin að kasta meira," segir Ásdís. Hún viðurkennir að það hafi gengið á ýmsu hjá henni árið 2011 og þar hafi meiðslin spilað stórt hlutverk. „Þetta var rosalega mikið upp og niður hjá mér á þessu ári. Meiðslin voru að eyðileggja fyrir mér en samt sem áður næ ég að tryggja mig inn á Ólympíuleikana og næ 13. sæti á HM, sem er í rauninni alveg frábært miðað við aðstæður," segir Ásdís, sem náði sínum besta árangri á HM þrátt fyrir að glíma við þessi meiðsli. „Ég lagði ofboðslega mikið á mig til þess að geta keppt yfirhöfuð. Langflestir hefðu ekki getað keppt eins og ég var en ég hefði verið að vinna með meiðslin síðan í mars. Ég var að gera ótrúlegustu hluti til þess að halda þessum meiðslum niðri," segir Ásdís, en hún glímdi við bólgur í sininni undir ilinni sem liggur frá stóru tánni og festist aftan í hælinn. Hringið bara í mig„Ég gerði bókstaflega allt sem nokkurn tímann hefur verið ráðlagt við þessum meiðslum. Ég var að kæla þetta, ég var að nudda þetta og ég var að teygja á þessu. Ég fór til sjúkraþjálfara á hverjum einasta degi í bylgjur og meðferð. Ég fór líka í nálastungur og í eiginlega allt sem ég fann að væri hægt að gera. Ég veit ekki hversu mörgum klukkutímum á viku ég eyddi í styrktaræfingar. Ef einhver fær þessi meiðsli, láttu þann hinn sama hringja í mig því ég veit allt um þetta," segir Ásdís í léttum tón. Árangurinn á HM var því ánægjulegur þótt litlu hafi munað að hún kæmist í tólf manna úrslit. „Það var gífurlegur sigur fyrir mig andlega því ég hef ekki verið nógu heppin að hitta á þetta á stórmótunum. Það gefur mér mikið sjálfstraust fyrir Ólympíuleikana að ná að kasta svona langt," segir Ásdís, sem tryggði sér keppnisrétt á Ólympíuleikunum með því að kasta 59,12 metra mánuði fyrir HM og varð þá fyrsti íslenski íþróttamaðurinn sem komst inn á Ólympíuleikana í London. Hún kastaði síðan þremur sentimetrum lengra á HM. „Ég er laus við allt stress við að ná lágmarkinu inn á Ólympíuleikana en mig langar til þess að fara inn með A-lágmörk og að sjálfsögðu ætla ég að reyna að kasta eins langt og ég get fyrir leikana. Allt verður samt miðað við það að toppa á Ólympíuleikunum sjálfum," segir Ásdís, en A-lágmarkið er 61 metri og b-lágmarkið er 59 metrar. Ætlar að slá Íslandsmetið„Ég stefni á það að bæta Íslandsmetið mitt á næsta ári og ég vonast til að haldast heil. Það er númer eitt, tvö og þrjú hjá mér núna að gera allt til þess. Ef ég verð heil á ég að geta kastað langt," segir Ásdís, en hún hefur aldrei verið hrædd við að setja pressu á sjálfa sig. Ásdís hefur náð mjög góðum árangri undanfarin ár en hefur ekki átt upp á pallborðið hjá Samtökum íþróttamanna. Ásdís endaði í 11. sæti í kjörinu fyrir árið 2010 og varð í 13. sæti árið á undan. Bæði árin var hún hins vegar kjörin Íþróttamaður Reykjavíkurborgar. Ofboðslega huglægt mat„Þetta er ofboðslega huglægt mat og það eru örugglega ekki neitt ofboðslega margir þarna sem hafa áhuga á frjálsum. Auðvitað finnst mér það svolítið fyndið þegar ég kemst ekki inn á topp tíu í vali á Íþróttamanni ársins en er svo kosin Íþróttamaður Reykjavíkur og það voru kannski tveir til þrír íþróttamenn fyrir neðan mig sem voru á topp tíu listanum í kosningunni á Íþróttamanni ársins," segir Ásdís og bætir við: „Markmiðið hjá mér og tilgangurinn með þessari íþróttaiðkun minni er samt ekki að komast inn á einhverja lista þó að það sé mikill heiður að fá svona viðurkenningu. Þetta er huglægt mat og það er ekki hægt að láta það fara í taugarnar á sér. Það væri mjög gaman og mikill heiður að fá að vera með tíu efstu í kjörinu en svona er þetta bara," segir Ásdís en hvað þá með kjörið í ár? Búin að prófa allt„Nú er ég búin að prófa allt. Ég er búin að prófa það að ná rosalega góðum árangri en standa mig ekki neitt ofboðslega vel á stórmóti. Þá fór ég ekki inn. Ég er búin að prófa að eiga gott sumar og standa mig vel á stórmóti en fór ekki inn heldur. Nú er ég búin að standa mig vel á stórmóti og við verðum bara að sjá hvað það gefur." Ásdís í tölumStórmótin hennar Ásdísar EM í Gautaborg 2006 25. sæti (51,33 metrar) Ólympíuleikar í Peking 2008 50. sæti (51,33 metrar) HM í Berlín 2009 24. sæti (55,86 metrar) EM í Barcelona 2009 10. sæti (54,32 metrar) HM í Daegu í Suður-Kóreu 2011 13. sæti (59,15 metrar)Bestu köst Ásdísar á hverju ári: 2011 59,15 m Daegu, 1. sept. 2011 2010 60,72 m Gateshead, 10. júlí 2010 2009 61,37 m* Reykjavík, 16. maí 2009 2008 59,80 m** Lapinlahti, 20. júlí 2008 2006 54,66 m Árósar, 6. júlí 2006 2005 57,10 m** Reykjavík, 28. maí 2005 2004 55,51 m Grosseto, 13. júlí 2004 * Er Íslandsmet ** Var Íslandsmet Innlendar Mest lesið Gæti orðið fyrsti músliminn til að spila fyrir enska landsliðið Enski boltinn Uppgjörið: Breiðablik - FH 2-1 | Ótrúleg endurkoma og Blikar að stinga af Íslenski boltinn Myndir frá endalokum Íslands á EM Körfubolti Afturelding marði Hauka í Hafnafirði Handbolti „Betra fótboltaliðið tapaði í dag“ Íslenski boltinn Óvænt tap Þýskalands og Belgía skoraði sex Fótbolti EM í dag: Flenging og stór bossi í kveðjuþætti Körfubolti Fram byrjar tímabilið á sterkum útisigri í Kaplakrika Handbolti Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Uppgjörið: Tindastóll - Fram 1-0 | Lífsnauðsynlegur sigur Stólanna Íslenski boltinn Fleiri fréttir Gæti orðið fyrsti músliminn til að spila fyrir enska landsliðið Myndir frá endalokum Íslands á EM Afturelding marði Hauka í Hafnafirði Hetja Blika: „Einn leikur í einu“ „Betra fótboltaliðið tapaði í dag“ Óvænt tap Þýskalands og Belgía skoraði sex Fram byrjar tímabilið á sterkum útisigri í Kaplakrika Luka skaut Ísrael í kaf Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjörið: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Íslendingarnir tryggði Gummersbach sigur Uppgjörið: Breiðablik - FH 2-1 | Ótrúleg endurkoma og Blikar að stinga af Levy hættur hjá Tottenham eftir 25 ár í starfi Uppgjörið: Tindastóll - Fram 1-0 | Lífsnauðsynlegur sigur Stólanna EM í dag: Flenging og stór bossi í kveðjuþætti Skýrsla Henrys: Eins og lömb leidd til slátrunar Uppgjörið: Ísland - Færeyjar 1-2 | Íslendingar í gjafastuði „Heilinn var að öskra á mig og líkaminn svaraði ekki“ Hilmar Smári til Litáens Craig vill halda áfram: „Vona að þetta hafi ekki verið síðasti leikurinn“ Valsmenn semja við einn markahæsta leikmanninn í Lengjunni Síðasti landsleikur Ægis?: „Það eru góðar líkur á því“ „Þetta er búið að vera eins og lífið er“ „Þegar maður klæðist þessari treyju er maður stór“ Einkunnir á móti Frakklandi: Engin orka og engin trú Ómar Ingi með sex marka forskot á Gidsel Arnar og Hákon sátu fyrir svörum Mættust í fótboltagolfi fyrir stórleik kvöldsins Eina breytingin á Ryderliðinu var að skipta um tvíbura Sjá meira
Spjótkastarinn Ásdís Hjálmsdóttir náði einu besta íþróttafreki ársins þegar hún lenti í þrettánda sæti á HM í frjálsum í Daegu í Suður-Kóreu í september síðastliðnum. Hún hefur aldrei kastað lengra á stórmóti og þessu náði hún þrátt fyrir að vera búin að keppa meidd í sex mánuði. Ásdís er nú laus við meiðslin, hefur hafið stífan undirbúning fyrir Ólympíuleikana í London og ætlar sér að kasta lengra en Íslandsmetið hennar er (61,37 metrar) á árinu 2012. „Fóturinn er orðinn góður og ég er bara að æfa á fullu. Ég er alveg á kafi og er að drepast úr harðsperrum. Ég byrjaði aftur í byrjun október og hef ekkert fundið fyrir í fætinum síðan ég byrjaði. Það er mjög jákvætt. Þetta lítur rosalega vel út allt saman," segir Ásdís, en hún er annað árið í röð á leiðinni í æfingabúðir hinum megin á hnettinum. Æfingabúðir í Suður-Afríku„Stefnan er að fara í æfingabúðir til Suður-Afríku í lok desember og byrjun janúar. Ég fór aðeins fyrr í fyrra en var þá komin heim fyrir áramótin. Það er betra fyrir okkur að fara aðeins seinna því þá er ég farin að kasta meira," segir Ásdís. Hún viðurkennir að það hafi gengið á ýmsu hjá henni árið 2011 og þar hafi meiðslin spilað stórt hlutverk. „Þetta var rosalega mikið upp og niður hjá mér á þessu ári. Meiðslin voru að eyðileggja fyrir mér en samt sem áður næ ég að tryggja mig inn á Ólympíuleikana og næ 13. sæti á HM, sem er í rauninni alveg frábært miðað við aðstæður," segir Ásdís, sem náði sínum besta árangri á HM þrátt fyrir að glíma við þessi meiðsli. „Ég lagði ofboðslega mikið á mig til þess að geta keppt yfirhöfuð. Langflestir hefðu ekki getað keppt eins og ég var en ég hefði verið að vinna með meiðslin síðan í mars. Ég var að gera ótrúlegustu hluti til þess að halda þessum meiðslum niðri," segir Ásdís, en hún glímdi við bólgur í sininni undir ilinni sem liggur frá stóru tánni og festist aftan í hælinn. Hringið bara í mig„Ég gerði bókstaflega allt sem nokkurn tímann hefur verið ráðlagt við þessum meiðslum. Ég var að kæla þetta, ég var að nudda þetta og ég var að teygja á þessu. Ég fór til sjúkraþjálfara á hverjum einasta degi í bylgjur og meðferð. Ég fór líka í nálastungur og í eiginlega allt sem ég fann að væri hægt að gera. Ég veit ekki hversu mörgum klukkutímum á viku ég eyddi í styrktaræfingar. Ef einhver fær þessi meiðsli, láttu þann hinn sama hringja í mig því ég veit allt um þetta," segir Ásdís í léttum tón. Árangurinn á HM var því ánægjulegur þótt litlu hafi munað að hún kæmist í tólf manna úrslit. „Það var gífurlegur sigur fyrir mig andlega því ég hef ekki verið nógu heppin að hitta á þetta á stórmótunum. Það gefur mér mikið sjálfstraust fyrir Ólympíuleikana að ná að kasta svona langt," segir Ásdís, sem tryggði sér keppnisrétt á Ólympíuleikunum með því að kasta 59,12 metra mánuði fyrir HM og varð þá fyrsti íslenski íþróttamaðurinn sem komst inn á Ólympíuleikana í London. Hún kastaði síðan þremur sentimetrum lengra á HM. „Ég er laus við allt stress við að ná lágmarkinu inn á Ólympíuleikana en mig langar til þess að fara inn með A-lágmörk og að sjálfsögðu ætla ég að reyna að kasta eins langt og ég get fyrir leikana. Allt verður samt miðað við það að toppa á Ólympíuleikunum sjálfum," segir Ásdís, en A-lágmarkið er 61 metri og b-lágmarkið er 59 metrar. Ætlar að slá Íslandsmetið„Ég stefni á það að bæta Íslandsmetið mitt á næsta ári og ég vonast til að haldast heil. Það er númer eitt, tvö og þrjú hjá mér núna að gera allt til þess. Ef ég verð heil á ég að geta kastað langt," segir Ásdís, en hún hefur aldrei verið hrædd við að setja pressu á sjálfa sig. Ásdís hefur náð mjög góðum árangri undanfarin ár en hefur ekki átt upp á pallborðið hjá Samtökum íþróttamanna. Ásdís endaði í 11. sæti í kjörinu fyrir árið 2010 og varð í 13. sæti árið á undan. Bæði árin var hún hins vegar kjörin Íþróttamaður Reykjavíkurborgar. Ofboðslega huglægt mat„Þetta er ofboðslega huglægt mat og það eru örugglega ekki neitt ofboðslega margir þarna sem hafa áhuga á frjálsum. Auðvitað finnst mér það svolítið fyndið þegar ég kemst ekki inn á topp tíu í vali á Íþróttamanni ársins en er svo kosin Íþróttamaður Reykjavíkur og það voru kannski tveir til þrír íþróttamenn fyrir neðan mig sem voru á topp tíu listanum í kosningunni á Íþróttamanni ársins," segir Ásdís og bætir við: „Markmiðið hjá mér og tilgangurinn með þessari íþróttaiðkun minni er samt ekki að komast inn á einhverja lista þó að það sé mikill heiður að fá svona viðurkenningu. Þetta er huglægt mat og það er ekki hægt að láta það fara í taugarnar á sér. Það væri mjög gaman og mikill heiður að fá að vera með tíu efstu í kjörinu en svona er þetta bara," segir Ásdís en hvað þá með kjörið í ár? Búin að prófa allt„Nú er ég búin að prófa allt. Ég er búin að prófa það að ná rosalega góðum árangri en standa mig ekki neitt ofboðslega vel á stórmóti. Þá fór ég ekki inn. Ég er búin að prófa að eiga gott sumar og standa mig vel á stórmóti en fór ekki inn heldur. Nú er ég búin að standa mig vel á stórmóti og við verðum bara að sjá hvað það gefur." Ásdís í tölumStórmótin hennar Ásdísar EM í Gautaborg 2006 25. sæti (51,33 metrar) Ólympíuleikar í Peking 2008 50. sæti (51,33 metrar) HM í Berlín 2009 24. sæti (55,86 metrar) EM í Barcelona 2009 10. sæti (54,32 metrar) HM í Daegu í Suður-Kóreu 2011 13. sæti (59,15 metrar)Bestu köst Ásdísar á hverju ári: 2011 59,15 m Daegu, 1. sept. 2011 2010 60,72 m Gateshead, 10. júlí 2010 2009 61,37 m* Reykjavík, 16. maí 2009 2008 59,80 m** Lapinlahti, 20. júlí 2008 2006 54,66 m Árósar, 6. júlí 2006 2005 57,10 m** Reykjavík, 28. maí 2005 2004 55,51 m Grosseto, 13. júlí 2004 * Er Íslandsmet ** Var Íslandsmet
Innlendar Mest lesið Gæti orðið fyrsti músliminn til að spila fyrir enska landsliðið Enski boltinn Uppgjörið: Breiðablik - FH 2-1 | Ótrúleg endurkoma og Blikar að stinga af Íslenski boltinn Myndir frá endalokum Íslands á EM Körfubolti Afturelding marði Hauka í Hafnafirði Handbolti „Betra fótboltaliðið tapaði í dag“ Íslenski boltinn Óvænt tap Þýskalands og Belgía skoraði sex Fótbolti EM í dag: Flenging og stór bossi í kveðjuþætti Körfubolti Fram byrjar tímabilið á sterkum útisigri í Kaplakrika Handbolti Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Uppgjörið: Tindastóll - Fram 1-0 | Lífsnauðsynlegur sigur Stólanna Íslenski boltinn Fleiri fréttir Gæti orðið fyrsti músliminn til að spila fyrir enska landsliðið Myndir frá endalokum Íslands á EM Afturelding marði Hauka í Hafnafirði Hetja Blika: „Einn leikur í einu“ „Betra fótboltaliðið tapaði í dag“ Óvænt tap Þýskalands og Belgía skoraði sex Fram byrjar tímabilið á sterkum útisigri í Kaplakrika Luka skaut Ísrael í kaf Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjörið: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Íslendingarnir tryggði Gummersbach sigur Uppgjörið: Breiðablik - FH 2-1 | Ótrúleg endurkoma og Blikar að stinga af Levy hættur hjá Tottenham eftir 25 ár í starfi Uppgjörið: Tindastóll - Fram 1-0 | Lífsnauðsynlegur sigur Stólanna EM í dag: Flenging og stór bossi í kveðjuþætti Skýrsla Henrys: Eins og lömb leidd til slátrunar Uppgjörið: Ísland - Færeyjar 1-2 | Íslendingar í gjafastuði „Heilinn var að öskra á mig og líkaminn svaraði ekki“ Hilmar Smári til Litáens Craig vill halda áfram: „Vona að þetta hafi ekki verið síðasti leikurinn“ Valsmenn semja við einn markahæsta leikmanninn í Lengjunni Síðasti landsleikur Ægis?: „Það eru góðar líkur á því“ „Þetta er búið að vera eins og lífið er“ „Þegar maður klæðist þessari treyju er maður stór“ Einkunnir á móti Frakklandi: Engin orka og engin trú Ómar Ingi með sex marka forskot á Gidsel Arnar og Hákon sátu fyrir svörum Mættust í fótboltagolfi fyrir stórleik kvöldsins Eina breytingin á Ryderliðinu var að skipta um tvíbura Sjá meira