Wenger: Þetta var sérstakt kvöld

Arsene Wenger, stjóri Arsenal, sýndi í kvöld að hann kann að brosa og hann brosti breitt er strákarnir hans skoruðu tvisvar gegn Barcelona.

"Þetta er eitt af þessum sérstöku kvöldum. Þessi leikur lofaði góðu og stóð undir væntingum. Þetta var leikur tveggja mjög sérstakra liða að mínu mati," sagði Wenger.

"Við áttum lengi undir högg að sækja en gáfumst aldrei upp. Við sýndum afar sérstaka þrautseigju. Við munum fara á Nou Camp og spila okkar leik því við getum ekki farið þangað til þess að verjast. Við munum mæta og gera okkar besta."