Valur og Fram mætast í úrslitum deildarbikarsins

Kvennalið Vals komst í kvöld örugglega í úrslit deildarbikarsins er liðið vann sex marka sigur á HK, 33-27. Staðan í hálfleik var 17-9.

Þorgerður Anna Atladóttir og Hrafnhildur Ósk Skúladóttir voru atkvæðamestar í liði Vals með sex mörk. Karólína Lárusdóttir og Ágústa Edda Björnsdóttir skoruðu báðar fimm mörk.

Elín Anna Baldursdóttir skoraði átta mörk fyrir HK og Brynja Magnúsdóttir skoraði sex.

Valur mætir Fram í úrslitum á morgun. Leikurinn hefst klukkan 18.15 og fer fram í íþróttahúsinu við Strandgötu í Hafnarfirði.